ଲାଇବ୍ରେରୀ
ପ୍ରୋଫାଇଲ୍
ଜୀବନ ଗୀତିକା
ଜୀବନ ଗୀତିକା
1 min
217
ମିଳନ ବିଚ୍ଛେଦ ସୁଖଦୁଃଖ ଭରା
ଏଇତ ଜୀବନ ଗୀତି
ହସ ଭରିଦିଏ ସୁନେଲି ସପନ
ଲୁହ କହିଯାଏ 'ଇତି' ।।୧।।
ଯିବା ଆସିବାର ସମୟ ଦୁଆରେ
ଦିନ ସବୁ ଯାଏ ବିତି
ଇତିହାସର ସେ ଚଉତାଫାଳରେ
ରହିଯାଏ ଖାଲି ସ୍ମୃତି ।।୨।।
ସଦା ଅତୁଟ ଏ ବନ୍ଧନର ଡୋର
ସ୍ନେହ, ପ୍ରେମ, ଭାବ,ପ୍ରୀତି
ଅଲିଭା ଏ ଆଭା ଚିର ଦୀପ୍ତିମନ୍ତ
ମମତାର ସୁଧାବତୀ ।।୩।।
ଆସିଛି ଆଜି ଯେ କାଲି ବାହୁଡ଼ିବ
ସଂସାରର ଏ ତ' ନୀତି
ଛାଇ ଆଲୁଅର ମିଳନ ରେଖାରେ-
ଠିଆ ଶୂନ୍ୟତାର ଭୀତି ।।୪।।
ସ୍ୱାଗତ-ବିଦାୟ ଦୁଇଟି ଦୁଆର
ମଝିରେ କରମ ସାଥୀ
ସେ କରମ ଏକା ଆଣେ ଅମରତ୍ୱ
ଅସରନ୍ତି ଯଶଖ୍ୟାତି ।।୫।।
