ବିଶ୍ୱପ୍ରେମ
ବିଶ୍ୱପ୍ରେମ
ପ୍ରେମ ହିଁ ଈଶ୍ୱର ପ୍ରେମ ହିଁ ବନ୍ଧନ
ପ୍ରେମ ହିଁ ଅମୀୟଧାର,
ପ୍ରେମ ହିଁ ହୄଦୟ ଜିଣିପାରେ ଏକା
ପର କରେ ଆପଣାର ।।୧।।
ପ୍ରେମ ହିଁ ମୈତ୍ରୀ ପ୍ରେମ ହିଁ ପବିତ୍ର
ପ୍ରେମ ହିଁ ଜୀବନ ମାର୍ଗ,
ପ୍ରେମ ହିଁ ଶାନ୍ତି ପ୍ରେମ ହିଁ ତ ମୋକ୍ଷ
ପ୍ରେମ ହିଁ ଅଟଇ ସ୍ୱର୍ଗ ।।୨।।
ପ୍ରେମରେ ନ ଥାଏ ଜାତି, ଧର୍ମ, ଭାଷା
ବର୍ଣ୍ଣ ଅବା ବିଭିନ୍ନତା,
ପ୍ରେମର ମନ୍ତ୍ର "ସମାନତା" ଏକା
ପ୍ରେମ ଦେଖେ "ଜାତୀୟତା" ।।୩।।
ପ୍ରେମ ଭାଙ୍ଗିପାରେ ସୀମା ପରିସୀମା
ଈର୍ଷାର ଲକ୍ଷ୍ମଣରେଖା,
ଦେଶବିଦେଶର ବିବାଦ ହିଂସା
ଯୁଦ୍ଧର ବିଭୀଷିକା ।।୪।।
ପ୍ରେମେ ଡୁବେ ଯେବେ ଏ ସାରା ବସୁଧା
ଲାଗଇ କୁଟୁମ୍ବସମ,
ପ୍ରେମର ପରିଧି ଖେଳିଖେଳି ଯାଏ
ପାଲଟେ ତ' *ବିଶ୍ୱପ୍ରେମ* ।।୫।।