ଲୁହ
ଲୁହ
1 min
261
କେବେ ଭାବରେ-କେବେ ଅଭାବରେ
କେବେ ସୁଖରେ ତ-କେବେ ଦୁଃଖରେ
କେବେ ଆବେଗରେ-କେବେ ଆବିଳତାରେ
କେବେ ପୁଣି ଜୀବନର ଦୋଛକିରେ,
ଆଉ କେବେ ମମତାର ପରଶରେ ;
କେବେ ଅନ୍ଧାରେ-କେବେ ଆଲୁଅରେ
କେବେ ଚିନ୍ତାରେ ତ-କେବେ ଚେତନାରେ
କେବେ ଆଶାରେ-କେବେ ହତାଶାରେ
କେବେ ପୁଣି ଜୀବନର ସାୟାହ୍ନରେ,
ଆଉ କେବେ ମତୁଆଲି ସପନରେ....
କେବେ ସ୍ୱପ୍ନରେ-କେବେ ବାସ୍ତବତାରେ
କେବେ ଜ୍ୱଳନରେ ତ-କେବେ ପୀଡ଼ନରେ
କେବେ ଜନ୍ମରେ-କେବେ ମୃତ୍ୟୁରେ
କେବେ ପୁଣି ରଂଗୀନ ରଂଗମଞ୍ଚରେ,
ଆଉ କେବେ ଦୁର୍ଭାଗ୍ୟର ତାଡ଼ନାରେ ;
କେବେ ପ୍ରଶଂସାରେ-କେବେ ନିନ୍ଦାରେ
କେବେ ପାଇବାରେ ତ-କେବେ ହରାଇବାରେ
କେବେ ବନ୍ଧନରେ-କେବେ ମୁକ୍ତିରେ
କେବେ ପୁଣି ଭକ୍ତିର ଉଚ୍ଛ୍ୱ।ସରେ,
ଆଉ କେବେ ଜ୍ଞାତ-ଅଜ୍ଞାତରେ ;
ଝରିପଡେ ଟୋପାଟୋପା ହୋଇ...
ମୁଁ - "ଲୁହ" ।