ଲାଇବ୍ରେରୀ
ପ୍ରୋଫାଇଲ୍
ଇନ୍ଦ୍ର ଭୁବନ
ଇନ୍ଦ୍ର ଭୁବନ
1 min
86
କେତେ ଶୁଣିଅଛି
କେତେ ପଢ଼ିଅଛି
ଇନ୍ଦ୍ର ଭୁବନର ପରୀ କାହାଣୀ
ମନ ହୁଏ ସେଠି ରହନ୍ତି କି ଯାଇ
ପାଖରେ ଥାଆନ୍ତେ ମେନକା ରାଣୀ
ଦିଅନ୍ତେ ଅମୃତ ହାତରେ ଆଣି
ସୁଖରେ ପିଅନ୍ତି ମାରିକି ଠାଣି ।
ପୁଣି ମନ ହୁଏ ଯାଆନ୍ତି ସ୍ୱର୍ଗ
ଖୁସିରେ ବୁଲନ୍ତି ଚଉଦ ଦିଗ
ସୁଖ ଶାନ୍ତି ପରା ମିଳେ ସେଇଠି
ଏତେ ଶୁଭ ଜାଗା ଅଛି କୋଉଠି?
ମନେ ହୁଏ ଯଦି ମୋ ହାତେ ହୁଅନ୍ତା
ସତରେ କେତେ ଯେ ଭଲ ହୁଅନ୍ତା
ପୃଥିବୀକୁ ସ୍ୱର୍ଗ ପରି କରନ୍ତି
ଇନ୍ଦ୍ର ଭୁବନ ମୁଁ କିମ୍ପାଇଁ ଯା 'ନ୍ତି ।
