ଆଉଥରେ

ଆଉଥରେ ପୁଣି ସପନ ଦେଖିବି

ହରି ନାହିଁ କି ବା ମରି ତ ନାହିଁ

ଲଢେଇ ଜୀବନେ ଜାରି ରଖିବି ମୁଁ

ଚମକିବି ଦିନେ ଆକାଶେ ମୁହିଁ ।

ଜାଣିଛି ଜୀବନେ ଦୁଃଖ ଆସେ ବୋଲି

ଏ ତ ଦୁନିଆର ଚଲନ୍ତି ନୀତି

ନୀଚମନା ହୋଇ ଡରିବି କାହିଁକି

ଜାଣିଛି ଦିନେ ମୁଁ ପାରିବି ଜିତି ।

ଫୁଲ ହୋଇ ଫୁଟିବି ମୁଁ ଦିନେ

କଣ୍ଟାକୁ ଜିଣିବି ଶୁଭ ଲଗନେ

ମହକିବ ଦିନେ ଏ ସାରା ସଂସାର

ଶିଖର ଛୁଇଁବି ହସିବି ଦିନେ ।

ଆଉଥରେ ନୂଆ ଆଶା ନେଇ ମନେ

ପରିଶ୍ରମ କରି ବିଜୟୀ ହେବି

ଜାଣିଛି ଜୀବନେ ଧିରଜ ରଖିଲେ

ସମୟ ଆସିଲେ ସଫଳ ହେବି ।