କାଳିଆ ର ଅଧର ପଣା

କାଳିଆ ସୁନାର ଅଧର ପଣା ଲୋ

    ଦେଖି ଯିବା ସଜନୀ

ଧନ୍ୟ ହୋଇଯିବା ଆଖିରେ ଦେଖିବା

    ରଥେ ଅଛି କ୍ଷେତ୍ର ମଣି

କାଳିଆ ସୁନାର ଅଧର ପଣା ଲୋ.....।

ଯାଇଥିଲା ସିଏ ନଅ ଦିନ ପାଇଁ

ଆସିଅଛି ସାଥେ ଭାଇ ଭଗ୍ନି ନେଇ

ବାହୁଡା଼ ଯାତରେ ବାହୁଡ଼ି ସେ ଆସିଛି

ଯାତରା କରି ସେ ଥକି ତ ଯାଇଛି

ଆହା କି ସୁନ୍ଦର ମୂରତି ତାହାର

ମନ ଲୋଭା ତା ଚାହାଁଣି

କାଳିଆ ସୁନାର ଅଧର ପଣା ଲୋ....।

ପଣା ପିଇବାକୁ ଶରଧା ତାହାର

ପଣା ଛୁଇଁ ଦେବ ଅଧର କୁ ତାର

ପଣ୍ଡା ମାନେ ପଣା ହାଣ୍ଡିକୁ ଭାଙ୍ଗିବେ

ସବୁ ଦେବତା ପଣା ପାନ କରିବେ

ରଥକୁ ଦେଖିବୁ  ସଂସାରୁ ତରିବୁ

ଭାବରେ ନେବ ସେ ଟାଣି

କାଳିଆ ସୁନାର ଅଧର ପଣା ଲୋ.....।