ବସନ୍ତ ର ଆଗମନ

ନବ ବାସ ତୁମେ ପରିଧାନ କରି 

ବିରାଜ ହେ ଋତୁରାଜ, 

ତୁମ ଆଗମନେ ପ୍ରକୃତିରାଣୀ ମୋ 

ହୋଇଥାଏ ସଜବାଜ......... ||

କୋକିଳ ର ଗାନ, ହରିନିଏ ମନ 

ଆନମନା ହୁଏ ପ୍ରାଣ 

ଅବୁଝା ଭାଷା ରେ ସଂଗୀତ ମୂର୍ଚ୍ଛନା 

କରନ୍ତି ବିହଗଗଣ........... ||

ନୂତନ ପଲ୍ଲଵ ପଲ୍ଲବିତ ହୁଏ 

ପାଇ ତୁମ ପରଶରେ 

ଚର୍ମ ର ଶୁଷ୍କତା ଦୂର କରି ଶିରି 

ଆସଇ ଯେ ତନୁ ପରେ........ ||

ନାନାଦି କୁସୁମ ପ୍ରସ୍ଫୁଟିତ ହୋଇ 

ଚହଟାଇ ଥାନ୍ତି ବାସ 

ମାସ ତ ଲାଗଇ ମଧୁମାସ ସମ 

ପାଇ ବସନ୍ତ ର ସ୍ପର୍ଶ........ ||

ପ୍ରମତ୍ତ ମଧୁପ ମଧୁ ଆସ୍ୱାଦନେ 

ଘୁର୍ଣ୍ଣିତ କୁସୁମ ପାସ 

ତରୁଣ ର ମନ ଯେସନେ ଜାଗଇ 

ପ୍ରିୟା ର ଶୀତଳ ସ୍ପର୍ଶ....... ||

ଫଲଗୁ ସାଥେ ନେଇ ଫଗୁଣ ଆସଇ 

ରଙ୍ଗେଇବ ତନୁ ମନ, 

ଆମ୍ବ ବଉଳ ର ଓଢଣୀ ଭିତରେ

ହସିଉଠେ ଆମ୍ର ବନ....... ||

ରାମଙ୍କ ଜନମ ହୁଅଇ ପାଳନ 

ଶିବଙ୍କ ଜାଗର ଯାତ, 

ବାସନ୍ତୀକ ଦୁର୍ଗା ପୂଜା ର ଆରମ୍ଭ 

ମା ସରସ୍ବତୀ ପ୍ରକଟିତ..... ||

ତୁମେ ନେଇ ଆସିଥାଅ 

ନୂଆ ନୂଆ ଆଶା 

ଏ ସାରା ଜଗତ ବୁଝି ତ ପାରଇ 

ମନ୍ଦ ମଳୟ ର ଭାଷା...... ||