ହେ ଦେବୀ
ହେ ଦେବୀ
ହେ ଦେବୀ
ଦୁର୍ଗତିନାଶିନୀ, ଦୁଃଖ ବିନାଶିନୀ
ସତ୍ୟ ସନାତନୀ ମା,
ଦୈତ୍ୟ ବିନାଶିନୀ, ମହିଷାମର୍ଦ୍ଦିନୀ
କାଳ ସ୍ୱରୂପିଣୀ ମା ।
ରୁଦ୍ରାଣୀ, ଭବାନୀ ଚଣ୍ଡୀ ଯେ ଚାମୁଣ୍ଡା
ନୃମୁଣ୍ଡ ମାଳିନୀ ମା,
କରୁ ଆବାହନୀ, ଦୁର୍ଗା କାତ୍ୟାୟିନୀ
ଆସ ଦଶଭୁଜା ମା ।
ଅଧର୍ମ ନାଶିନୀ, ଦେବ ତେଜେ ତେଜସ୍ୱିନୀ
ଶକ୍ତି ସ୍ୱରୂପିଣୀ ମା,
ଜଗତ କଲ୍ୟାଣୀ, ଜ୍ୟୋତି ପ୍ରଦାୟିନୀ
ତମସା ନାଶିନୀ ମା ।
ଶୈଳପୁତ୍ରୀ, ଚନ୍ଦ୍ରଘଣ୍ଟା, ସ୍କନ୍ଦମାତା
ବ୍ରହ୍ମହଚାରିଣୀ ତୁ ମା,
କୁସ୍ମାଣ୍ଡା, କାତ୍ୟାୟିନୀ, ମହାଗୌରୀ
କାଳରାତ୍ରି, ସିଦ୍ଧିପ୍ରଦାୟୀନୀ ମା
ନବରାତ୍ରେ ନବରୂପେ ପୂଜାପାଉ
ଜୟ ଦଶଭୁଜା ମା,
ଜଗତ କଲ୍ୟାଣ, ଜଗତୁ ଉଦ୍ଧାର
କର ଜଗଦ୍ଧାତ୍ରୀ ମା ।
ଆଶିଷ ଦାୟିନୀ, ମଙ୍ଗଳ କାରିଣୀ
ସିଂହ ବାହିନୀ ମା,
କରୁଣା ଦାୟିନୀ, ସଙ୍କଟ ହାରିଣୀ
ସନ୍ତାନ ବତ୍ସଳା ମା ।
ଦୁରାଚାର ବ୍ୟାଧି ଦୂର ହୋଇଯାଉ
ହସିଉଠୁ ଏ ମେଦିନୀ ମା,
ନାରୀଟି ନହେଉ ଅବଳା ଦୁର୍ବଳା
ରକ୍ଷ ଶଙ୍କର ଘରଣୀ ମା ।
ଜଗତ ଜନନୀ, ଦୁଃଖ ବିନାଶିନୀ
ତୋ ପାଦେ ଦୟିନୀ ମା,
ତୁମ ନାମ ଜପି ଦିନ ଯାଉ ବିତି
କି ମାଗିବି ଆଉ ମା?