Library
Profile
ଚିତୋଉ ଅମାବାସ୍ୟା ବା ହରାଲି ଉଆଁସ
ଚିତୋଉ ଅମାବାସ୍ୟା ବା ହରାଲି ଉଆଁସ
ମଗଧା ଯାଦବ ସଂସ୍କୃତିରେ ହୁଏ
ଉଆଁସୀ ଅତି ମହତ୍ତ୍ଵ
ହରାଲି ଉଆଁସୀ ପାର୍ବଣର ପର୍ବ
କୃଷିଭିତ୍ତିକ ମହତ୍ତ୍ଵ ।
ଅନୁଷ୍ଠିତ ହୁଏ ପବିତ୍ର ପାର୍ବଣ
ଶ୍ରାବଣ ମାସରେ ଏହି
କୃଷ୍ଣ ପକ୍ଷ ପୁଣି ଅମାବାସ୍ୟା ଦିନ
ପବିତ୍ର ପାର୍ବଣ ଏହି ।
ଚିତୋଉ ନାମରେ ଅମାବାସ୍ୟା ହୁଏ
କୃଷିର ମହତ୍ତ୍ଵ ତହିଁ
ବିଧିବିଧାନରେ ପାଳନ କରନ୍ତି
କୃଷକ ମାନେ ହିଁ ଯହିଁ ।
ଯାଦବ ମାନଙ୍କ ପରଂପରା ପର୍ବ
ଶାସ୍ତ୍ରରେ ବର୍ଣ୍ଣିତ ଏହି
ଗୋ ପୂଜନର ହିଁ ପବିତ୍ର ପୂଜନ
ଗୁହାଳ ପୂଜାଟି ଏହି ।
ଯାଦବ ରମଣୀ ସକାଳୁ ଉଠିଣ
ଗୋବର ମଣ୍ଡିତ ଗୃହ
ଗାଧୁଆ ପାଧୁଆ ସାରିଣ ରମଣୀ
ସଜ୍ଜିତ କରନ୍ତି ଗୃହ ।
ହଳଦୀ ମିଶ୍ରିତ ଚାଉଳକୁ ପୁଣି
ବନ୍ଦାପନା ଗରୁଗାଇ
ଭକ୍ତି ଚିତେ ହୁଏ ଗୋ ବଂଶ ର ପୂଜା
ନାନାଦି ନୈବେଦ୍ୟେ ଦେଇ ।
ଅତି ହି
ଁ ମହତ୍ତ୍ଵ କେନ୍ଦୁ କାଠ ବାଡ଼ି
ଯାଦବ ଅସ୍ତ୍ରଟି ଏହି
ହରାଲି ଉଆଁସେ ପୂଜନ କରନ୍ତି
କେନ୍ଦୁ ବୃକ୍ଷେ ତଳେ ରହି ।
ଧୂପ ଦୀପ ପୁଷ୍ପେ ପୂଜନ କରନ୍ତି
ନାନାଦି ନୈବେଦ୍ୟ ଦେଇ
ସଙ୍ଖ ଧ୍ବନି ଆଉ ହୁଳହୁଳି ଶବ୍ଦେ
ଭକ୍ତିପୂର୍ଣ୍ଣ ଚିତ ହୋଇ ।
କେନ୍ଦୁ ବୃକ୍ଷ ପୂଜି କେନ୍ଦୁ ଡାଳ ଘେନି
ଜମିକୁ ଯାଆନ୍ତି ସବୁ
ଜମିରେ ସ୍ଥାପନା କେନ୍ଦୁ ବୃକ୍ଷ ଡାଳ
ଭକ୍ତିରେ ଗାଡନ୍ତି ସବୁ ।
ହରାଲି ଉଆଁସ ପବିତ୍ରତା ଦିନ
ପିତ୍ରୁ ଜନ ପୂଜା ତହିଁ
ନାନାଦି ବ୍ଯଞ୍ଜନ କରିଣ ସେ ଦିନ
ଅର୍ପଣ କରନ୍ତି ଯହିଁ ।
ପବିତ୍ର ପାର୍ବଣ ପବିତ୍ର ଦିନଟି
ଚିତୋଉର ଅମାବାସ୍ୟା
ଚାଷୀ ଭାଇଙ୍କର ଚାଷର ପାର୍ବଣ
ଅଟେ ହରାଲି ଉଆଁସ ।
ମଗଧା ଯାଦବ ସଂସ୍କୃତିରେ ହୁଏ
ଉଆଁସୀ ଅତି ମହତ୍ତ୍ଵ
ହରାଲି ଉଆଁସୀ ପାର୍ବଣର ପର୍ବ
କୃଷିଭିତ୍ତିକ ମହତ୍ତ୍ଵ ।
