ଚିର ସତ୍ୟ

      

ଜନ୍ମ ଥିଲେ ଅଛି ପରା ମୃତ୍ୟୁଟି ନିଶ୍ଚିତ,

ତେଣୁ ଆମେ କରିଯିବା କାର୍ଯ୍ୟଟି ଉଚିତ ।

ଦେବତା ବି ଜାତ ହେଲେ ଏ ମରତ ଧାମେ,

ଆପଣା କର୍ତ୍ତବ୍ୟ ଯାହା ଲାଗନ୍ତି ସେ କାମେ ।

ନର ଦେହ ତେଜି ପୁଣି କରନ୍ତି ଗମନ,

ମୃତ୍ୟୁ ଚିର ସତ୍ୟ ଅଟେ ଜାଣେ ତ୍ରିଭୁବନ ।

ଶିଶୁ, ଯୁବକ, କିଶୋର, ବୃଦ୍ଧ ଅବା ବୃଦ୍ଧା,

ଯେବେଳେ ଯା' କାଳ ପୂରେ ନ ଛାଡ଼େ ସେ କଦା ।

ଶୁଣେନା କା' ଅନୁରୋଧ ଆକୁଳ ଗୁହାରି,

ଘେନିଯାଏ ସଙ୍ଗେ ତା'ର ଚିହ୍ନିଥିଲା ପରି ।

ଜରା ବ୍ୟାଧିରେ ପୀଡ଼ିତ ଥାଏ ଯେଉଁ ଜନ,

ତା' ଲାଗି ସେ ମୁକ୍ତି ଦ୍ୱାର ନୁହେଁ ଜମା ଘୃଣ୍ୟ ।

ସୃଷ୍ଟି ହିତଲାଗି ଅଛି ମୃତ୍ୟୁର ଗୁରୁତ୍ୱ,

ଜନ୍ମଥିଲେ ମୃତ୍ୟୁ ଘଟେ ଏହା ଚିର ସତ୍ୟ ।