ଛନ୍ଦହୀନ ଜୀବନ

ବୃନ୍ତଝଡ଼ା ମୁଁ ଶୁଷ୍କପତ୍ର ଚାହେଁ କୋହଭରା ବୁକେ,

ପାନ୍ଥଶାଳାର କ୍ଲାନ୍ତ ପଥିକ ଶ୍ରାନ୍ତ ହୃଦୟେ ଡାକେ |(ଘୋଷା )

ନିଦାରୁଣ ଏଇ ତପ୍ତ ଧରଣୀ ମୋ ପାଇଁ ଅସହ୍ୟ ହୁଏ,

ଜୀବନ୍ତ ଶବକୁ କାନ୍ଧରେ ଥୋଇ ନିଜେ ନିଜେ ବୋହି ନିଏ |

ଅସରନ୍ତି ରାସ୍ତା ଶେଷନାହିଁ ମୋର କେବେ ଚାଲେ କେବେ ଥକେ |

ବୃନ୍ତଝଡ଼ା ମୁଁ ଶୁଷ୍କପତ୍ର ଚାହେଁ କୋହଭରା ବୁକେ,

ପାନ୍ଥଶାଳାର କ୍ଲାନ୍ତ ପଥିକ ଶ୍ରାନ୍ତ ହୃଦୟେ ଡାକେ | ((1)

ନିଲଠା ଫଗୁଣ ଫେରିଗଲା ସିନା ସାଥେ ନେଇ ପୁଷ୍ପଧନୁ,

ବର୍ଷଣ ରାତି ବୈରୀ ସାଜିଛି ପତ୍ର କଅଁଳିଲା ଦିନୁ |

କଣ୍ଟକିତ ଲାଗେ ମଳୟ ପବନ ମଧୁପିଇ ତଣ୍ଟି ଶୁଖେ |

ବୃନ୍ତଝଡ଼ା ମୁଁ ଶୁଷ୍କପତ୍ର ଚାହେଁ କୋହଭରା ବୁକେ,

ପାନ୍ଥଶାଳାର କ୍ଲାନ୍ତ ପଥିକ ଶ୍ରାନ୍ତ ହୃଦୟେ ଡାକେ | (2)