ଲାଇବ୍ରେରୀ
ପ୍ରୋଫାଇଲ୍
ଚେଇଁଲୁଣି ଆମେ
ଚେଇଁଲୁଣି ଆମେ
1 min
230
ତୁମ ଛଳନାର ରୁଦ୍ଧ କୋଠରି
ହଳାହଳେ ପରିପୂର୍ଣ୍ଣ
କେମିତି ବା ଆମେ ଦେଖି ପାରିଥାନ୍ତୁ
ତୁମ ସେ ଜଟିଳ ମନ I
ଆମେ ଛଳନା ବୁଝୁନା',
ଆମେ କପଟ ବୁଝୁନା,
ଖଟିଖିଆ ମେହେନତି ମଣିଷରେ ଆମେ
ତୁମପରି କପଟିଆ ନୋହୁଁ ବୋଲି
ଆଜି ତୁମେ ସାହୁକାର
ଆମେ ତୁମ ଚାଟୁକାର
ପେଟର ଭୋକ ଛଡା
ଆମ ପାଇଁ ଆଉ କିଛି ବଡ ନୁହେଁ
ଭୋକଛଡା କିଛିହେଲେ
ଆମ ଆଖିକୁ ଦିଶେନା I
ସେଥି ପାଇଁ ତ ତୁମେ
ନିତି ନିତି ଲୁଟୁଛ ଆମକୁ
ହାଣ୍ଡିଆ ମୁନ୍ଦାଏ ପେଇ
ସକାଳରୁ ସଞ୍ଜଯାଏ ଖଟାଇ ଚାଲିଛ
ଟିକିଏ ହାଲିଆ ହେଲେ
ଚାବୁକର ଭୟ ଦେଖାଉଛ I
କୁହ ଆଉ କେତେଦିନ
ଭୋଗିବୁ ଏ ଦଶା
କେତେଦିନ ସହୁଥିବୁ
ତୁମ ଅତ୍ୟାଚାର ?
କଷ୍ଟ ବଳି ପଡଲାଣି,
ଚାହିଁଦେଖ ଏବେ ଆମ
ରାଗ ଜରଜର ଆଖି
କେଉଁପରି ଜଳି ଉଠିଲାଣି I
