ବିଳାପିତ ମାତୃତ୍ବ

 ଉଠିପଡ ଧନ ଉଠିପଡ

 ଖାଇ ନାହୁଁ କେତେବେଳୁ ଧନ

ଲାଗି ଗଲାଣି ତ ପେଟ ତୋର।

ବାବୁ ଘରେ ଥିଲା ଆଜି ଭୋଜି

ଫେରିବା ଡେରି ହୋଇଲା ବୋଲି କି

ରୁଷି କି ନିଦରେ ଶୋଇଛୁ କି।

କେତେ ଭୋଜି ଭାତ, ଖିରୀ, ପୁରି,

ଧନ ମୋ ଥିବ ଭୋକ ଉପାସରେ

ହୃଦ ହେଉଥିଲା ମୋର କୋରି ।

ବଡଲୋକଙ୍କର ବଡ ଭୋଜି

ଖାଇବା ଅଳ୍ପ ଫିଙ୍ଗିବା ବେଶୀ

ଅଳିଆଦାନୀରୁ ଆଣିଛି ଗୋଟାଇ

ତୋ ପାଇଁ ଧନ ମୁଁ ସେଠୁ କିଛି।

ବଡ ବୁଝନ୍ତିନି ମନକଥା

ପିଲାଟିଏ ଖିରି ଦନା ଦେଲା 

ଯତନେ ଆଣିଛି ଖାଇପକା

କରିବିନି ଆଉ ଜମା ଡେରି

ଆ ମୋ କୋଳକୁ ଧନମାଳି

ଉଠୁନି କାଇଁ ମୋ ଶଙ୍ଖାଳି।

କି କରିବି ଆଉ ଏଇ ଖିରି

ଜଗନ୍ନାଥ ଶୁଣ ଏଇ ଅଳି 

କରନା କାହାକୁ ହତଶିରୀ।