ଆଜିର ମଣିଷ
ଆଜିର ମଣିଷ


ବିଜ୍ଞାନ ବଳରେ
ମଣିଷ ହୋଇଛି
ସବୁଠାରୁ ବଳୀୟାନ,
ଭକ୍ତି ନାହିଁ ଜ୍ୟେଷ୍ଠେ
ସେନେହ କନିଷ୍ଠେ
ହୋଇଛି ଯନ୍ତ୍ର ସମାନ ।
ଧର୍ମ ଅଧର୍ମ କୁ
କିଛି ନ ବିଚାରି
ସ୍ୱାର୍ଥ ରେ ରହେ ଜଡ଼ିତ,
ଧନ ବଳରେ ଯେ
ହୋଇ ବଳୀୟାନ
ପାପ କରଇ ବହୁତ ।
ପର ନାରୀ ଠାରେ
ଆଶା ରଖିଥାଏ
ପର ଧନ ଠାରେ ଲୋଭ,
ପଶୁ ପ୍ରକୃତି ଯେ
ଆଚରଇ ସଦା
ଶ୍ରେଷ୍ଠ ବୋଲିଲେକି ହେବ ।
ହୋଇଣ ବିମୁଖ
କର୍ମ କରିବାକୁ
ବଡ ଲୋକ ହେବା ମନ,
ଲୋଲୁପ ଦୃଷ୍ଟିକୁ
ରଖିଥାଏ ସଦା
ଅନ୍ୟ ଲୋକଙ୍କର ଧନ ।
ଜୀବନ୍ତ ଦେବତା
ନିଜ ପିତା ମାତା
ତାଙ୍କୁ ଭୁଲି ଅଛି ଯିଏ,
ଧନ ଏକା ପୁଣି
ତା ପାଖରେ ବଡ
ଆଜିର ମଣିଷ ସିଏ ।