ଚାଷୀଘର ବୋହୂ ଆଜିର ଚାଷ

ଚାଷ ଆଗ କାଳ ଆଜିବି ବିରଳ 

   ଚିତ୍ରରେ ଦେଖୁଛୁ କୃତି 

ଧନ୍ୟ ଯାଦୁଗର ଧନ୍ୟ ଚିତ୍ରକର

    ବିଚିତ୍ର ତୁମର ସ୍ମୃତି l

ଘରଣୀ ସୁନ୍ଦର ସ୍ଵାମୀତା ନିଜର

   ସବୁ କର୍ମେ ତାର ହାତ 

ସାରି ଘର କାମ ହୋଇ ତର ତର

   ଯାଇଥାଏ ଵୁଲି କ୍ଷେତ l

ଖାଦ୍ୟ ମୁଣ୍ଡେ ନେଇ ପାଣି ହାତେ ଧରି

   ପୋଖରୀ ହୁଡାରେ ଥୁଏ

ବୃକ୍ଷର ଛାଇରେ  କଦଳୀ ପତ୍ରରେ

     ଖାଇବା ପରଶି ଦିଏ l

ଶସ୍ୟ ଦେଖି ବିଲେ  ଖୁସି ହେଉଥିଲେ

   ଲଷ୍ମୀ ଦେବୀ ବିରାଜିତ

କୃଷିରେ ଆଦର କର୍ମ କୃଷକର

   ପତ୍ନୀ କରେ ଉତ୍ସାହିତ l

ଏବେ ପତ୍ନୀମାନେ ଚାଷ ନୁନ୍ୟ ମଣେ

     ମୋବାଇଲ ଟିଭି ପ୍ରେମେ

ଜମି ଦେଖି ନାହିଁ ଚାଷ ଦେଖେ ନାହିଁ

     ଇଛା ନାହିଁ ଗୃହକର୍ମେ l

<

Advertisement

p>ଖାଲି ପାଦେ ଚାଲି ଗଲାଣିତ ଭୁଲି

   କାଦୁଅ ପଙ୍କରେ ମିଛ

ଚାଷବାସ ପ୍ରତି ମନେ ନାହିଁ ପ୍ରୀତି

    ମୁହଁ ମୋଡେ କରି ପଛ l

ଚାଷୀ ହେଲେ ବର ଦୁର୍ଭାଗ୍ୟ ତାହାର

    ମିଳେ ନାହିଁ କନ୍ୟାପାତ୍ର

କୃଷକର ମାନ  ନାହିଁ ସନମାନ

     ନାହିଁ କେହି ପ୍ରିୟପାତ୍ର l

ଶୁଣିଥିଲି କର୍ଣ୍ଣେ ଚାଷ ବାସ ଯାର

    କି ଆନନ୍ଦ ଅଟେ ତାର

ଏବେ ଚାଷୀକୁଳ ଅବସ୍ଥା ଦୁର୍ବଳ

     ଦୁଃଖ କଷ୍ଟ ସହଚର l

ମୁଲିଆ ମଜୁରୀ ଦେଇକି ନ ପାରି

   ଚାଷୀ ପଡେ ସମସ୍ୟାରେ 

ଉତ୍ପାଦ ବଜାରେ  ଅଳପ ମୂଲ୍ୟରେ

   ବିକ୍ରି କରି କାନ୍ଦି ମରେ l

ଚାଷୀ ଆମ ସାଥି  ଦେଶର ପ୍ରଗତି

    ଖାଦ୍ୟ ଦେଇ ରଖେ ପ୍ରାଣ

ଚାଷର ଉନ୍ନତି  ଚାଷୀର ପ୍ରଗତି

    ନ ହେଉ ସେ ହୀନିମାନ l