Library
ବୁଢିଆଣି ଜାଲ
ବୁଢିଆଣି ଜାଲ
ବଡ଼ ଦ୍ଵନ୍ଦରେ ପଡ଼ିଛି ଭାଇ
ଜାଣି ପାରୁନି କି
ସମ୍ଭାଳି ପାରୁନି
ବୁଢିଆଣି ଜାଲ ପରି ଛାଇ
ଛନ୍ଦି ରୁନ୍ଦିଲାଣି ବେଶି
ବନ୍ଦି କଲାଣି ଆକ୍ରୋଶି
ଖୁସି କିଣି ପାରୁନି କି
କଷ୍ଟ ବିକ୍ରିକରି ପାରୁନି
ପୁଣି କେଉଁ କାରଣରୁ
କାମ କରିବାକୁ ସଅଳ
ସକାଳୁ ଡହଳ ବିକଳ
ବାହାରି ପଡ଼ୁଛି
ପେଟରେ ପକେଇ ମୁଠେ ପଖାଳ
ପଥର ନୁହେଁ ମୁଁ
ମୋ ଭିତରେ ଅଛି କମନୀୟତା
ଅବିବେକି ନୁହେଁ ମୁଁ
ମୋ ଭିତରେ ରହିଛି ମାନବିକତା
କଷ୍ଟ କହିବୋଲି ପାରେନା ବୋଲି
ସମସ୍ତେ ଭାବନ୍ତି ହାତ ବାରିଶି
ଦୁଃଖ ବଖାଣି ପାରେନା ବୋଲି
ଘରବାରି ପଟ ଚୁଆ ସରସୀ
କହି ବୋଲନ୍ତି ଭଲରେ ଅଛି
ମନ ତଳ ଦାବାନଳ ବାମ୍ଫୁଛି ବୋଲି
କି'ଏ ପଚାରେ
ଅଣନିଃଶ୍ଵାସୀ ଜୀବନ ଜିଉଁଛି ବୋଲି
କିଏ ଉଖାରେ
ଆପଣାର କେହି ମିଳିଗଲେ
ଆଖି ଲୁହରେ କୁହନ୍ତି
ତ୍ୟାଗ ତର୍ପଣରେ ଲେଖନ୍ତି
ମୌନୀ ଅବତାର ପରଦା ପଛେ
କେତେ ହାହାକାର ଛୁପିଛି
କେତେ ତିରସ୍କାର ଲୁଚିଛି
କେତେ ସଂସ୍କାର ମିଶିଛି
ସବୁ ଖୋଲି କରି ବୋଲନ୍ତି
କେତେ ଲାଞ୍ଛନା ପିଇବାକୁ ପଡ଼େ
ନୀଳକଣ୍ଠ ସମ୍ମାନରେ ସମ୍ମାନିତ ହେବାକୁ
କେତେ ବିଷପାନ କରି ହଜମ କରିବାକୁ ପଡ଼େ
ହସି ହସି ସବୁ ସହିବାର ମାନେ
ପରିବାର ହସିବ
ସମସ୍ତଙ୍କୁ ନେଇ ସଂସାର ରଥରେ ସାରଥୀ
ହେବାକୁ ହେଲେ
ଶୁଣି ବି ଅଶୁଣା
ଦେଖି ବି ଅଦେଖା
ଅନ୍ଧ ମୂକ ବଧିର ପରି ଅଭିନୟ କରିବାକୁ
ପଡିବ
ଦୁଃଖ କେବଳ ଏତିକି
ଏହି ତ୍ୟାଗ ବଳିଦାନ
ଏହି ତପସ୍ୟା ପରେ ବି
କେହି ଜଣେ ବି ନିଜର ଅତି ଆପଣାର ଲାଗୁଥିବା ମଣିଷ ମାନଙ୍କ ମୁଁହରେ
ପଦେ ଅଧେ ଆହା ବି ମିଳିବା ଚିନ୍ତାରହିତ
କେବେ ଦରଦୀ ଦୟାଭାବ ବି କଳ୍ପନାତୀତ
ପ୍ରଶ୍ନ ଉଠେ !
ତ୍ୟାଗ କରିବ ଜୀବନ ଯାକ କାହିଁକି ?
ଖେଣ୍ଟିଆ ର ଶିକାର ହେବାକୁ
ତିଳ ତିଳ ବଳିଦାନ ଦେବ ବା କାହିଁକି ?
ବାକ୍ୟ ବାଣରେ ଜର୍ଜରିତ ହେବାକୁ
ନିଜେ ନିଜ ଶରଶଯ୍ୟାରେ ବିଦ୍ଧ ହେବ ବା କାହିଁକି ?
