ବରଷକ ବାର ମାସ

ବରଷକ ବାରମାସ

ଛଅଋତୁଏକ ବର୍ଷ 

ଆସ କୁନା କୁନି ଶିଖିବା ଆମେରେ

କେଉଁ ଋତୁ କେଉଁ ମାସ l

ବୈଶାଖ ଓ ଜ୍ୟେଷ୍ଠ ଟିରେ 

ସୂର୍ଯ୍ୟ ତାପପ୍ରଖରରେ 

ଗ୍ରୀଷ୍ମ ଋତୁ ତାକୁ କୁହାଯାଇଥାଏ

ଉତ୍ତାପ ବଢଇ ଖରେ l

ଆଷାଢ଼ ଶ୍ରାବଣ ଦୁଇ

ବର୍ଷା କାଳ ଅଟେ ସେହି

କଳା କଳା ମେଘ ଆକାଶରେ ଭାସେ 

ମେଘ ବର୍ଷେ ରହି ରହି l

ଖାଲ ସ୍ଥାନ ଥାଏ ଯହିଁ

ଜଳରେ ପୂରଇ ସେହି

ଦର୍ଦୁର ମାନେ ରାବ କରିଥାନ୍ତି

କେତେ ଯେ ଆନନ୍ଦ ହୋଇ l

ଭାଦ୍ରବ ଆଶ୍ୱିନ ଆସେ

ଆକାଶ ନିର୍ମଳ ଦିଶେ

ଶରତ ଋତୁସେ ଦୁର୍ଗା ମାଆ ଙ୍କର

ପୂଜା ହୁଏ ଭକ୍ତି ବସେ l

କାର୍ତ୍ତିକ ଓମାର୍ଗଶିର

ହେମନ୍ତ ନାମଟି ତାର 

ସକାଳ ସ୍ନାହାନ ଲକ୍ଷ୍ମୀଙ୍କ ପୂଜନ

ଚିତା ପଡେ ଘର ଦ୍ୱାର ।

ପୌଷ ଓ ମାଘକୁ ନେଇ

ଶୀତ ଋତୁ ଆସିଥାଇ

ଉତ୍ତରୁ ଶୀତୁଆ ପବନ ବହଇ

ଦେହକୁ ଦିଏ ଥରାଇ l

ଫାଲଗୁନ ଆଉ ଚଇତ୍ରେ 

ବସନ୍ତ ଋତୁ ଆସନ୍ତେ

କୋଇଲି ଗାଅଇ ପଞ୍ଚମ ସ୍ଵନରେ

ମନ ଖୁସି ହୁଏ କେତେ l

ନାନା ଜାତି ଫୁଲ ଫୁଟେ

ବଉଳ ମହକ ଛୁଟେ

ରାଧାକୃଷ୍ଣ ଙ୍କର ବିମାନ ବୁଲଇ 

ଫଗୁ ଖେଳ ହୁଏ କେତେ l

ବାର ମାସେ ଛଅ ଋତୁ

ଏଇ ମିତି ଆସୁଥାନ୍ତୁ 

ଋତୁ ଅନୁଯାୟୀ ଦେହ ଆମ ଜଗି

ଚଳିବା ବିଧିର ମତେ l