ବରଷାରେ ଭିଜୁଥିଲ

ଭିଜିଗଲା ମୋର, ଶିଥିଳ ଶରୀର,

ତୁମ ପ୍ରେମ ବର୍ଷା ସାଥେ ।

ତୁମେ ପ୍ରିୟା ମୋର, ନୀତି ଆକାଶର,

ଥିଲ ରହି ବର୍ଷା ପଥେ ।।

ଆଜି ହୃଦୟରେ, ଭରିଦେଲ କିଆଁ,

ଆଷାଢ଼ ବନ୍ୟାର କୋହ ।

ତୁମେ ହସୁଥିଲ, ଶ୍ରାବଣ ବଉଦେ,

ଭିଜେଇ ତତଲା ଲୁହ ।।

ସୁକୁମାରି ତନୁ, କୋମଳାଙ୍ଗ ଶିରି,

ଚାହାଣୀରେ ଦିଅ ହାଣି ।

ଆଖିମାରି ତୁମେ, ଲେଖି ଦିଅ କେତେ,

ମୋ ମନ ନେଇଣ ଜିଣି ।।

ଭିଜି ଗଲି ମୁହିଁ, ପ୍ରେମ ବର୍ଷା ପାଇ,

ହଜିଗଲି ସପ୍ତ ରଙ୍ଗେ ।

ହୃଦୟକୁ ଚୋରି, କରି ଦେଲ ଗୋରୀ,

ରହି ଥିବି ସଦା ସଙ୍ଗେ ।।

ଭିଜୁଥିଲି ସିନା, ପ୍ରେମ ବରଷାରେ,

ଖୋଜୁଥିଲି ହୃଦ ତୁମ ।

ଆଜି ବୁଝିଗଲି, ପ୍ରେମ ହୋଇଯାଏ,

ଦେଇ ଯାଏ ସ୍ମୃତି ନାମ ।।

ଆଖି ବୁଝି ମୁହିଁ, ତିନ୍ତୁ ଥିଲି ପ୍ରିୟା,

ତୁମରି ପରସ ପାଇଁ ।

ତୁମରି ପରସ, ଖିଲି ଖିଲି ହସ,

ଜାଣିନି ଭାଗ୍ୟ ମୋ ପାଇଁ ।।

ଭିଜିତ ଯାଇଛି, ହୃଦୟ ମୋହର,

ତୁମ ସାଥେ ପ୍ରିୟା ମୋର ।

ହଜି ମୁଁ ଯାଇଛି, ତୁମ ସ୍ମୃତି ସାଥେ,

ତୁମେ ଥାଅ ସାଥେ ମୋର ।।

ସମ୍ପର୍କ ଭାଙ୍ଗିଲେ, ହୃଦୟଯେ ଭାଙ୍ଗେ,

ଭାଙ୍ଗି ଯାଏ ଭିଜା ମନ ।

ପ୍ରିୟା ଥାଅ ତୁମେ, ଆସାଢ଼େ ଶ୍ରାବଣେ,

ଭିଯାଇ ରାତ୍ରି ସପନ ।।