ସ୍ନେହ ଡୋରେ ବନ୍ଧା ଆମ ପରିବାର

ସ୍ନେହ ଡୋରେ ବନ୍ଧା ଆମ ପରିବାର

ଯହୁଁ ଝରେ ପ୍ରୀତି  ସ୍ନେହର ନିର୍ଝର ।

ପ୍ରେମ ପ୍ରୀତି ଶ୍ରଦ୍ଧା ଆଦର ଆଦର୍ଶ 

ଅନୁରାଗେ ଭରା ସଭିଙ୍କୁ ଯେ ବଶ ।

 ପୁଲକିତ କରେ ଖୁସିର ପ୍ଲାବନ

 ଲହରୀ ଖେଳାଇ ହରି ନିଏ ମନ ।

କିଣି ନିଏ ପ୍ରାଣ ପ୍ରୀତି ସ୍ରୋତ ଧାରେ

ପ୍ରବାହିତ ହୁଏ ଆମ ପରିବାର ।

ଭାବ ଭକ୍ତି ଆଉ ବନ୍ଧୁତ୍ୱ ମୂର୍ଚ୍ଛନା

ସଭିଙ୍କର ମନ କରାଏ ଉନ୍ମନା ।

ଅନିର୍ବଚନୀୟ ପୁଲକ ପ୍ଲାବନ

 ଖେଳାଇ ନିରତ ତରଙ୍ଗ ସ୍ପନ୍ଦନ ।

 ଆହ୍ବାନ ରେ ଦିବ୍ୟ ଚେତନା ଜାଗ୍ରତ 

କରାଏ ଜୀବନ  କରଇ ପବିତ୍ର ।

ଜୀବନ ଯାତ୍ରାରେ ଭରଇ ମାଧୁର୍ଯ୍ୟ 

ସୁଶିକ୍ଷା ଦିଅଇ କରେ ନାନା କାର୍ଯ୍ୟ

ପ୍ରତି କ୍ଷଣେ ଉଠେ ଖୁସିର ଲହରୀ

ତୃପ୍ତି ଶୀହରଣ ପ୍ରବାହିତ କରି ।

ସ୍ନେହ ଶ୍ରଦ୍ଧା ଲାଭ ନିମନ୍ତେ ପ୍ରସିଦ୍ଧି

ଆସ ହେ କରିବା ଏହାର ସମୃଦ୍ଧି ।