ପ୍ରେମ ପାରିବ କି ବୁଝି

ତୁମରି ସେ ନୀଳନୟନର ଖେଳ

       କରିଦିଏ ମତେ ଗୁଣି,

କଜ୍ଵଳରେ ଭରା ତୁମ ନେତ୍ରଡୋଳା

     ଚାହାଣି ଦେଉଛି ହାଣି ।

ତୁମ ହସ ସତେ ଗୋଲାପର ଜଳ

       ଅଧରରୁ ଯାଏ ବହି,

ଚଲାପଥେ ତୁମ ପଦ୍ମ ଫୁଟିଯାଏ

    ମୋ ମନ ପାରୁନି ସହି  ।

ତୁମ ପାଇଁ ପ୍ରିୟା ଲେଖକ ସାଜିଲି

  ମନର ଭାବନା ଶବ୍ଦେ ପ୍ରକାଶିବା ପାଇଁ,

ବୁଝିପାର ଯଦି  ହୃଦୟବେଦନା

  ଫେରି ଆସ ପ୍ରିୟା ରାଗ ସବୁ ଭୁଲିଯାଇ ।

ଯାହା ପାଇଁ ଏହି କବିତାଟି ଲେଖା 

     ଆପେ ଆପେ ଯିବ ବୁଝି,

ବୁଝିଲେ କି ହେବ    ସମୟ ଗଲାଣି

     ପ୍ରେମ ପାରିବ କି ବୁଝି ?