ବର୍ଣ୍ଣବୋଧ

ମଧୁ ବାବୁଙ୍କର ବହି ବର୍ଣ୍ଣ ବୋଧ

ସାହିତ୍ୟ କୁ ବଡ଼ ଦାନ,

ଭାଷା ଶିକ୍ଷା ମୂଳଦୁଆ ସେ ପକାଏ

ଶିଖାଇ ଓଡ଼ିଆ ଜ୍ଞାନ l

ବର୍ଣ୍ଣ ମାଳାର ଅଣଚାଶ ଅକ୍ଷର 

ପ୍ରଥମ ଭାଗ ରେ ଲେଖା ,

ପିଲାଟିଏ ବାରମ୍ବାର ଦେଖିଲେଖି 

ହୋଇଯାଏ ତାର ଶିକ୍ଷା l

ସରଳ ସହଜ ନିତ୍ୟ ବ୍ୟବହାର୍ଯ୍ୟ

ଶବ୍ଦ ସବୁଅଛି ଲେଖା,

ପ୍ରଥମେ ଅବନା ତତପରେ ମାତ୍ରା

ଲାଗି ହୋଇଅଛି ଯୋଖା l

ସୁନ୍ଦର ଚିତ୍ରଓ ତା ସହିତ ଗୀତ

ଲେଖା ସେ ପଦ ପକାଇ,

କେବେ ପଢିଥିଲେ ଏବେବି ତାହାର

ପଦ ଭୁଲି ହୋଇନାହିଁ l

ଯୁକ୍ତାକ୍ଷର ସବୁ କବିତାସହିତ

ଏକ ପରେ ଏକ ଗୁନ୍ଥା,

ଓଡ଼ିଆ ଙ୍କ ପାଇଁ ବର୍ଣ୍ଣବୋଧ ବହି

ଅତି ମୂଲ୍ୟବାନମୁକ୍ତା l

ଆଧୁନିକ ଯୁଗେ ବର୍ଣ୍ଣ ବୋଧର

 ଆଦରଯାଇଛି କମି,

ନୂଆନୂଆ ବହି ବାହାରଇ କେତେ 

ତାସରି କେହି ହେବେନି l

ମଲାଟ ରେ ତାର ବିଲେଇ ର ଚିତ୍ର

ପିଲାଙ୍କ କୌତୁକ ଭରେ,

ହାତ ବଢ଼ାଇ ସେ ଚିତ୍ର କୁ ସବୁ

ଦେଖିବାକୁ ମନେ କରେ ll

ବିଭୁଙ୍କ ବନ୍ଦନା ବାର ମାସ ନାମ

ତହିଁରେଲିଖିତ ଗୀତେ,

ସ୍ୱାସ୍ଥ୍ୟ ପାଇଁ ମଧ୍ୟ ଶିକ୍ଷା ଦେଇଛନ୍ତି

କବିତା ଛନ୍ଦରେ କେତେ l

ବ ଡ଼ ସାନ ଶିକ୍ଷାଗୁଣନର ଖନ୍ଦା 

ଗଣିତର ମୂଳ ଯେତେ,

ମେଟ୍ରିକ ପଦ୍ଧତି ଦୈର୍ଘ୍ୟ ଓଜନ

ସବୁ ରହିଅଛି ସାଥେ l

ଫେରିଆସୁ ଆମ ବର୍ଣ୍ଣ ବୋଧ ବହି

ପଢିବେ ପିଲାଏ ବସି,

ଓଡ଼ିଆ ଭାଷାଟି ଶୁଦ୍ଧ ହୋଇଯିବ

ଅଭ୍ୟାସ ବଳରେ ଘୋଷି ll