ମହାତ୍ମାଗାନ୍ଧୀଙ୍କ ଜୟନ୍ତୀ

ପବିତ୍ର ଜୟନ୍ତୀ ମହାତ୍ମାଗାନ୍ଧୀଙ୍କ

ଦୁଇ ଅକ୍ଟୋବର ଆଜି,

ଅହିଂସାର ମନ୍ତ୍ରେ ସ୍ବାଧୀନ ଆଣିଲେ

ବାପୁଙ୍କ ଜୟନ୍ତୀ ଆଜି ।

ବାପୁ ନାମ ହେଲା ଜଗତେ ବିକ୍ଷ୍ୟାତ

ଶତାବ୍ଦୀ ପୁରୁଷ ଏହୁ,

ସେହୁ ରାଷ୍ଟ୍ର ପିତା ସତ୍ୟର ପୂଜାରୀ

ରାମ ଭକ୍ତ ମଧ୍ୟ ଏହୁ ।

ଅହିଂସା ମାର୍ଗକୁ ଧରିଣ ହସ୍ତରେ

ଅନ୍ୟାୟ କୁ ଦୂର କଲେ,

ଅତି ଅତ୍ୟାଚରୀ ବ୍ରିଟିଶ ସାମ୍ରାଜ୍ୟ

ଦେଶରୁ ତୋଡିଣ ଦେଲେ ।

ସ୍ବାଧୀନ କରିଲେ ପବିତ୍ର ରାଷ୍ଟ୍ର କୁ

ଅହିଂସାର ମନ୍ତ୍ର ଦ୍ବାରା,

ରାମରାଜ୍ୟ ସ୍ବପ୍ନ ସାକାର ନିମନ୍ତେ

ସତ୍ୟ କର୍ମ ମନ୍ତ୍ର ଦ୍ବାରା ।

ସ୍ବଚ୍ଛତାର ମନ୍ତ୍ର ଦେଲେ ଜନେ ଜନେ

ସ୍ବଚ୍ଛ ରହିବାର ପାଇଁ,

ସ୍ବଚ୍ଛତା ରହିଲେ ସ୍ବସ୍ଥ ହିଁ ରହିବ

ମାତୃଭୂମି କାର୍ଯ୍ୟ ପାଇଁ ।

ଦେଇଥିଲେ ନାମ ସେ ରବୀନ୍ଦ୍ରନାଥ

ମହାତ୍ମା ନାମେ ବିକ୍ଷାତ,

ଗୁଞ୍ଜୁ ଅଛି ବିଶ୍ବେ ମହାତ୍ମା ମହାତ୍ମା

ତାଙ୍କ ମନ୍ତ୍ରେ କାର୍ଯ୍ୟରତ ।

ଅହିଂସାର ମନ୍ତ୍ର ଶିକ୍ଷା ଦେଉ ଅଛି

ବିଶ୍ବ ସମୁଦାୟେ ଆଜି,

ଅହିଂସାର ମନ୍ତ୍ରେ ଶାସନ କରନ୍ତି

ଜନସେବା ମନ୍ତ୍ର ଆଜି ।

ତାଙ୍କରି ଚରଣେ ଦେଉ ଶ୍ରଦ୍ଧାଞ୍ଜଳି

କୋଟି ପ୍ରଣିପାତ ଆମ,

ପୂଜନୀୟ ସେହୁ ସମ୍ପୂର୍ଣ୍ଣ ବିଶ୍ବରେ

ଶତାବ୍ଦୀ ପୁରୁଷ ଆମ ।

ସ୍ବଚ୍ଛତାର ମନ୍ତ୍ର ଗୁଞ୍ଜୁ ଦେଶ ମଧ୍ୟେ

ଅହିଂସାର ମନ୍ତ୍ର ଗୁଞ୍ଜୁ,

ଧର୍ମପଥ ହେଉ ରାଷ୍ଟ୍ରର ନିର୍ମାଣେ

ରାମନାମ ସଦା ଗୁଞ୍ଜୁ ।

ପବିତ୍ର ଜୟନ୍ତୀ ମହାତ୍ମାଗାନ୍ଧୀଙ୍କ

ଦୁଇ ଅକ୍ଟୋବର ଆଜି,

ଅହିଂସାର ମନ୍ତ୍ରେ ସ୍ବାଧୀନ ଆଣିଲେ

ବାପୁଙ୍କ ଜୟନ୍ତୀ ଆଜି ।