ଅଧା ଲଙ୍ଗଳା ଫକୀର

କୁଲିର ଦେଶୁ ଆସିଛି ନାମ ତାର ଗାନ୍ଧୀ

ଆଣ୍ଠୁ ଲୁଚେ ନାହିଁ ଲୁଗା ପିନ୍ଧି ଅଛି ଖଦି l

ଘୋଡ଼ି ହୋଇଅଛି ମାତ୍ର ଖଣ୍ଡିଏ ଚଦର

ସାତସିଆଁ ଜୋତା ଅଧାଲଙ୍ଗଳା ଫକୀର l

ଗୋଲ ଟେବୁଲ ବୈଠକେ କରିବ ମନ୍ତ୍ରଣା

ବୁଦ୍ଧି କାହିଁ ଇଏ ହେବ ନିଶ୍ଚେ ବାଟ ବଣା l

ଚର୍ଚ୍ଚିଲ ସାହେବ ତୁମେ ନିଶ୍ଚେ ଅଟ ସଭ୍ୟ

ବ୍ୟବହାରେ କିଆଁ ତୁମେ ଏଡ଼ିକି ଅସଭ୍ୟ l

ଶାସକ ମୋହର କରୁ ଅଛି ନିବେଦନ

ଭୁଲି ଯାଇ ଅଛ ତୁମେ ହିତାହିତ ଜ୍ଞାନ l

ଦକ୍ଷିଣ ଆଫ୍ରିକା କଥା ମନେ ତୁମ ନାହିଁ

ଚାପୁଡ଼ା ଖାଇଲ ଗାଲେ କୁଲିବୋଲି କହି l

କୁଲିର ଦେଶ ନୁହେଁ ମୋ ଭାରତ ମହାନ

ସତ୍ୟ ଅହିଂସା ଅସ୍ତ୍ରରେ ଏହା ବଳିୟାନ l

ସେ ଦେଶକୁ ଖାଉଅଛ ତୁମ୍ଭେ ନିତି ଲୁଟି

ଦେଖାଉ ଅଛ ଆମ୍ଭକୁ ଭୁଜଙ୍ଗ ଭୃକୁଟି l

ସଙ୍ଗେ ଆଣିଅଛି ଦେଖ ମାଟି ପାତ୍ର ଥାଳ

ୟାରବାଡ଼ା ଜେ-ଲରେ ମୋତେ ଦେଇଥିଲ l

ଏହା ଅଟଇ ତୁମର ସଭ୍ୟ ଦେଶ କଥା

ଅଧିକ ମୁଁ କହୁ ନାହିଁ ଲଙ୍ଘି ଶାଳୀନତା l

ଡ଼କାଇଛ ଠକିବାକୁ ଏ ଗୋଲ ଟେବୁଲ

ଦେଖ ଫକୀର କରୁଛି କେମନ୍ତ କମାଲ l

ମହାନଅଟ ବାପୁହେ ହେ ଗାନ୍ଧୀ ମହାତ୍ମା

ବିଶ୍ୱରେ ଚର୍ଚ୍ଚିତ ହୁଏ ତୁମ୍ଭରି ବାରତା l