ବାଣୀ ବିହାର

ମୋ ପାଠ ପଢ଼ା ବେଳର

   ବାଣୀ ବିହାର

 ବହୁ ସ୍ମୃତି ବିମଣ୍ଡିତ

 ମୋ ଭଳି ଅନେକ ବନ୍ଧୁ

  ଶୁଭେଚ୍ଛୁ ମାନଙ୍କ ପାଇଁ

  ସେ ଥିଲା ବାଣୀ ଆରାଧନା କେନ୍ଦ୍ର

ଶିଖିବା ଶିଖେଇବାର

  ଅପୂର୍ଵ ସମନ୍ୱୟର ପେଣ୍ଠସ୍ଥଳ.

ପରିଜା ପାଠାଗାର ପ୍ରକୋଷ୍ଠରେ

  ଅଧ୍ୟୟନର ମୁହୂର୍ତ୍ତ

    ବଡ ଅପାଶୋରା

କ୍ୟାଣ୍ଟିନରେ ବନ୍ଧୁଙ୍କ ସାନ୍ନିଧ୍ୟ

  ଦବା ନବା ଦୁଃଖ ସୁଖ

  ବାଣ୍ଟିବାର ଅପୂର୍ବ ସାହାରା

ତାର ଶୋଭାଶିରୀ

 ହଷ୍ଟେଲ ଜୀବନ

 ହୃଦର ମଧୁତାନ

  କ୍ୟାମ୍ପସର ସୁନ୍ଦର ମୂର୍ଚ୍ଛନା

କେତେ ଭୁଲାଇଛି କେବେବା ନେଇଛି 

  ଚେତନାର ଶିଖର ଧାମକୁ

କିନ୍ତୁ ସେ ଥିଲା

   ପ୍ରତିଯୋଗୀତାର ବଡ ଆହ୍ୱାନ

    ଯେଉଁଥିରେ ହାରିଛୁ କେତେ

        ଜିତିଛୁ କେତେ

   ଶେଷେ ବାଛିଥିଲି ଅଧ୍ୟାପନାର

        ବୃତ୍ତି ଓ ସମ୍ମାନ

ବାଣୀ ବିହାରୁ ମୋ

      ଯୌବନର ବାରଣାସୀ

        ଜୀବନ ଜୀବିକାର

        ଏକ ଦୃଢବତୀ ରଶି

     ମନେପଡେ ଗୋଟି ଗୋଟି

  ଏଇ ଅବସର ନେବା ଅବସରେ ।