Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Madhu mita

Romance Fantasy

4  

Madhu mita

Romance Fantasy

ବର୍ଣ୍ଣାଳୀ

ବର୍ଣ୍ଣାଳୀ

1 min
344


ଗୋଲାପ ମନ୍ଦାର

ଅଛି କନିଅର

ଜୁଇ ଜାଇ ଚମ୍ପା

ସାଙ୍ଗରେ ଟଗର

ଭଳିକି ଭଳି ଏ ଫୁଲ ଗହଣରେ

କୁହଇ ବଗିଚା

ଦେଖ ମୁଁ କେତେ ଯେ ସୁନ୍ଦର ।


ଧେତ୍

ବାଦଲ ରହିଛି

ବିଜୁଳି ଚମକେ

ଖରା ବର୍ଷା ଶୀତ

ହେମନ୍ତ ବସନ୍ତେ

ରଖିଛି ମୋ ଦେହେ ଯେତେ ସବୁ ରଙ୍ଗ

ପ୍ରକୃତି ମୁଁ

ଋତୁ ଆବର୍ତ୍ତନେ ପ୍ରକାଶେ ନିରନ୍ତେ ।


ଥାଉ

କଳା ଧଳା ନୀଳ

ସବୁଜ ଧୂମାଳ

ପୀତ କି ଲୋହିତ

ଆନ ରଙ୍ଗ ଯେ ସକଳ

ଧରି ରଖି ମୋ ବକ୍ଷରେ ହେଇଛି

ଇନ୍ଦ୍ରଧନୁ ମୁଁ

ବର୍ଣ୍ଣ ସବୁ ସତେ ମୋ ଠାରେ ଚଞ୍ଚଳ ।


ସ୍ନିଗ୍ଧ ହାସ୍ୟେ ସେ ସଧୀରେ ଭାସିଲା

ଜୀବନ ନିଜକୁ ନିଜେ ଚିହ୍ନେଇଲା

ହସ କାନ୍ଦ ପ୍ରେମ ଘୃଣା ଅଛି ଏଠି

ଭଲ ମନ୍ଦ ଗୁଣ ରଖିଛି ଏକାଠି

ଥିଲେ ଥାଉ ପଛେ ରୂପ ରଙ୍ଗ ବର୍ଣ୍ଣ

ଜୀବନ ନ ଥିଲେ ସବୁ କିଛି ଶୂନ୍ୟ

ତେଣୁ ମୁଁ ବର୍ଣ୍ଣାଳୀ ଜୀବ ଦେହେ ବ୍ରହ୍ମ

ହୃଦେ ଶାନ୍ତି ଭରି ସର୍ବେ କର କର୍ମ ।



Rate this content
Log in