ବୃକ୍ଷ

ବୃକ୍ଷରେ ବିହଙ୍ଗ କରନ୍ତି ବସା ।

ପଥିକ ପାଇଁ ତା' ଛାଇ ଭରସା ॥

ବୃକ୍ଷ ମୂଳେ ଗୁରୁଙ୍କ ଚାଟ୍ଟଶାଳି ।

ଛୁଆ ପାଠପଢା କାନ୍ଦ ବୋବାଳି ॥

ବରର ଓହଳ ପିଲାଙ୍କ ଦୋଳି ।

ବୃକ୍ଷେ ଲୁଚି ଖେଳନ୍ତି ଲୁଚକାଳି ॥

ବୃକ୍ଷ ମୂଳେ ଚାଲେ ଚା ପିଆ ଖଟି ।

ଡାଳେ ଲାଗି ଗୁଡି ଯାଏରେ କଟି ॥

ବୃକ୍ଷଠୁ ମିଳଇ ଅନେକ ଫଳ ।

ଛାଇଟା ତାହାର ଅଟେ ଶୀତଳ ॥

ଗ୍ରୀଷ୍ମରେ ଛାଇ ତା' ସଭିଙ୍କ ଲୋଡା ।

ଶୀତରେ ବୃକ୍ଷର ଛାଇ ଅଲୋଡା ॥

ପ୍ରାଣୀ ପାଇଁ ବୃକ୍ଷ ଅମୃତ ଧାରା ।

ବୃକ୍ଷ ପାଇଁ ହସେ ସର୍ବଦା ଧରା ॥

ବୃକ୍ଷ ବିନା ଆମ ଏଇ ଜଗତ ।

ଅନ୍ଧକାର ଅଟେ ତା' ଭବିଷ୍ଯତ ॥

ଜଙ୍ଗଲ କ୍ଷୟକୁ କରି ବାରଣ ।

କରିବା ଚାଲରେ ବୃକ୍ଷ ରୋପଣ ॥

ବୃକ୍ଷ ପାଇଁ ଅଛି ଆମ ଜୀବନ ।

ସର୍ବେ ମିଶି ତା'ର ନେବା ଯତନ ॥