ବରବର୍ଣ୍ଣିନୀ ଗୋ.....

 ବରବର୍ଣ୍ଣିନୀ ଗୋ........
-------------------------------------------------

 ବରବର୍ଣ୍ଣିନୀ ଗୋ,

 କେଉଁ ବର୍ଣ୍ଣରେ ସରାଗ ତମ
 ନାଲି ନୀଳ କି ପୀତ ସବୁଜ କୁହ,
ସେଇ ବର୍ଣ୍ଣରେ
ମୁଁ ଆଜି ସଜାଇଦେବି
ତମ ସ୍ବର୍ଗୀୟ ତନୁ ବିଭବ l

 ବରବର୍ଣ୍ଣିନୀ ଗୋ,

 ଆଜି ଏ ହୋଲି ଉତ୍ସବେ
 ଆସିଛି ଦେଖ ମୁଁ ତମ ପାଇଁ
 ହାତେ ଧରି ରଙ୍ଗ ପିଚକାରୀ
 ଗାଧୋଇ ଦେବି ମୁଁ ମୋ ରାଧିକାଙ୍କୁ
 ଆସ ମୋ ପାଶେ ଗୋ ପଦ୍ମ ପାଦେ l

 ବରବଣ୍ଣିନୀ ଗୋ,

 ତମ ବର୍ଣ୍ଣବିଭା,
 ତମ ରଙ୍ଗ ଶୋଭା
 ମୋ ପାଇଁ ନନ୍ଦନ ସୁଖ
 କାହିଁକି ବା ମୁଁ ଆଉ କେଉଁ ରଙ୍ଗେ
 ସଜାଇବି ମୋ ରାଧିକାର ଚନ୍ଦ୍ରମୁଖ l ********************************

ଅଧ୍ଯାପକ ପ୍ରଶାନ୍ତ କୁମାର ବେହେରା,
ରାଜନୀତି ବିଜ୍ଞାନ ବିଭାଗ,
ସ୍ୱାମୀ ବିବେକାନନ୍ଦ ସ୍ମାରକ ସ୍ୱୟଂଶାସିତ ମହାବିଦ୍ୟାଳୟ, ଜଗତସିଂହପୁର l
ଦୂରଭାଷ - ୯୪୩୭୧୩୫୯୧୬