ମଧୁ ବେଦନା .......

ମଧୁ ବେଦନା .......

---------------------------------------------
ସବୁଜ ପତ୍ରର
ମଧୁର ବାସ୍ନାରେ
ବିଭୋରିତା ତମେ,

 ଧରନା, ଧରନା
ହାତରେ ଫୁଲ
 ଯଦି ଧରୁଛ,

ରହିକିପାରିବ
ଫୁଲବନେ ଏକା ସେ
ମହୁଆ ନିଶାରେ ହେଲେ ଭୋଳ ?

ବାଙ୍କ ଚାହାଁଣୀରେ
ବୁଲାଅନି ଡୋଳା
ନ ଖେଳାଅ ଓଠେ
ଅଭିସାରିକାର ସେ ମନ୍ଦ
ମଦଭରା ହସ ଯଦି କରୁଛ,

ରହିକିପାରିବ ପତ୍ରକୁଞ୍ଜେ
ଏକା ସେ ଓଠେ ନମିଶିଲେ
 ମୋ ଓଠର ମଧୁ ରସ ?

ଦେଖ, ତମ ଜୁଡ଼ାର
ସେ ମଲ୍ଲୀମାଳ କେମିତି
ଲୋଟି ରହିଛି ତମ ବକ୍ଷେ
କି ଅବ୍ୟକ୍ତ ବେଦନାରେ ତେଜି ଫୁଲବନ,
 
ତେଜି ପତ୍ରକୁଞ୍ଜ ଆସ,
 ଆସ ପ୍ରିୟା ହଜିଯିବା ଆମେ
 ପ୍ରେମର ମଧୁ ବେଦନାର ସାଗରେ ......

 **************************************

 ଅଧ୍ଯାପକ ପ୍ରଶାନ୍ତ କୁମାର ବେହେରା,
ରାଜନୀତି ବିଜ୍ଞାନ ବିଭାଗ,
ସ୍ୱାମୀ ବିବେକାନନ୍ଦ ସ୍ମାରକ ସ୍ୱୟଂଶାସିତ ମହାବିଦ୍ୟାଳୟ, ଜଗତସିଂହପୁର l
ଦୂରଭାଷ - ୯୪୩୭୧୩୫୯୧୬