ବର୍ଣ୍ଣିଳ ମଉସୁମୀ... ------------------------------

ବର୍ଣ୍ଣିଳ ମଉସୁମୀ...........
 ---------------------------------------

ପୁଷ୍ପଶର ବିଦ୍ଧ
      ହୃଦୟକୁ ମୋର
ଲେପି ଦେଉଥିବ
            ବାସ ଚନ୍ଦନ, 

ଚୋରା ଚଇତିରେ
         ଭରା ପୀରତିରେ
ବିତୁଥିବ ଏଇ
          ସ୍ଵପ୍ନଭରା ଜୀବନ |

ମଧୁର ଲଗ୍ନର
            ସମ୍ମୋହନ ହେଜି
 କୁହ କେବେ ତୁମେ
                 ଲାଜ ତେଜିବ !

ରତି ଦହନରେ
             ରାତି ସରିଯିବ
ଆକାଶରୁ ଅବିରତ
                  ମଧୁ ଝରିବ !

ଅପେକ୍ଷା ରହିବ
               ଶେଷ ପ୍ରହରକୁ
ଯେବେ ଧୀର
            ପଦପାତେ ଆସିବ,

ସ୍ଵର୍ଗସୁଖେ ମୁଁ ଯେ
             ଆନନ୍ଦେ ଅଧୀର
ପ୍ରେମସୁଧାସିକ୍ତ ରାତି
            ତମ ସାଥେ ବିତିବ |

ଚଉଠେ ଜହ୍ନକୁ
                ପରାଜିତ କରି
ମନ୍ଦ ମନ୍ଦ ହସି
                    କଥା କହିବ,

ମଳୟ ସ୍ପର୍ଶରେ
               ମହକିତ ମନେ
ପ୍ରାଣ ପସରାକୁ
                କେତେ ଦହିବ?

ତମ ତନୁ ବାସ
              ମୁକ୍ତା ନିନ୍ଦି ହସ
ମନ ଆକାଶରେ
                   ସ୍ଵପ୍ନ ବୁଣିବ

ବର୍ଣ୍ଣିଳ ମଉସୁମୀ
                   ମଧୁ-ଗୁଞ୍ଜନେ
ଜୀବନର ଅବସାଦ
                     ସବୁ ମେଣ୍ଟିବ!! ......

**********************************
 ଅଧ୍ଯାପକ ପ୍ରଶାନ୍ତ କୁମାର ବେହେରା,
ରାଜନୀତି ବିଜ୍ଞାନ ବିଭାଗ,
ସ୍ୱାମୀ ବିବେକାନନ୍ଦ ସ୍ମାରକ ସ୍ୱୟଂଶାସିତ ମହାବିଦ୍ୟାଳୟ, ଜଗତସିଂହପୁର l
ଦୂରଭାଷ - ୯୪୩୭୧୩୫୯୧୬