ମଧୁଛନ୍ଦ ............ -----------------------------

ମଧୁଛନ୍ଦ ............

 ---------------------------------------------
ଝୋଟିପକା ହାତେ
ଧଳା ଗୋଲାପ
ଗୋଲାପରେ ଦୁଇ ଶିଖା,

ଜାଣିଛି ମୁଁ ଆଗୋ
ପଦ୍ମଗନ୍ଧା ଏ ଶିଖା
ତୋ ପ୍ରେମଲେଖା l
 
ପଢିଛି ମୁଁ ତୋ
ହୃଦ ପୃଷ୍ଠା ଓଠ ରଙ୍ଗେ
ଓଦା ଅକ୍ଷର,
 
ବୁଝିଛି ଯେଉଁ
ସପନରେ ମତୁଆଲା
ଆଖି ତୋର l
 
ଦୀପାବଳିର ଆଲୋକ ଉତ୍ସବେ
ତୋ ହାତରେ
ଗୋଲାପ ଦୀପ,
 
ସେ ଦୀପ
ଆଲୋକରେ ଆଗୋ
ଆଲୋକିତ ମିଠା ପାପ l
 
ପ୍ରେମ ଯଦି ପାପ
ସୁବାସ ତାର
ନନ୍ଦନବନ ଗନ୍ଧ,
 
ସେ ଗନ୍ଧେ ମୋହିତ
ଆମେ ଦୁହେଁ
ହୃଦୟେ ଗୁଞ୍ଜରିତ ମଧୁ ଛନ୍ଦ l .........

 **************************
ଅଧ୍ଯାପକ ପ୍ରଶାନ୍ତ କୁମାର ବେହେରା,
ରାଜନୀତି ବିଜ୍ଞାନ ବିଭାଗ,
ସ୍ୱାମୀ ବିବେକାନନ୍ଦ ସ୍ମାରକ ସ୍ୱୟଂଶାସିତ ମହାବିଦ୍ୟାଳୟ, ଜଗତସିଂହପୁର l
ଦୂରଭାଷ - ୯୪୩୭୧୩୫୯୧୬