ଗୀତ ଗୋବିନ୍ଦ ............ -------------------------

ଗୀତ ଗୋବିନ୍ଦ ............ -
-------------------------------------------------
 କାହିଁ ରାଧା
 କାହିଁ ତା ପ୍ରେମସୁଧା,
 କାହିଁ ଝରୁଅଛି ରତି ପିୟୁଷ,

 କାହିଁ ନବଘନ
 ମୋହନ ସୁନ୍ଦର,
 କାହିଁ କୁଞ୍ଜବନ ରାସରସ ?

 କିଏ ବା ଖୋଜୁଛି
 ସେ ପ୍ରୀତି ପ୍ରେମ ମଧୁ,
 କିଏ ବା ଚାହୁଁଛି ଗୋପ ମାଧୁରୀ,

 ଶୁଣ ସଖି ଶୁଣ
 ସେ ମଧୁ ଝରାଉଛି
 ତମ ଜବାରଙ୍ଗୀ ଓଠ ବଲ୍ଲରୀ l

 ତମେ ମୋର ରାଧା,
 ମୋ ସହସ୍ର ଗୋପୀକା
 ତମେ ଗୋପଦାଣ୍ଡ ରତି ଉଲ୍ଲାସ,

 ତମ ତନୁ
 ମୋର ତୀର୍ଥ ପୁଲିନ,
 ମୋ ବିଧୁର ଜୀବନ ବିଳାସ l

 ଚାହିଁ ଦେଖ
ଆଗୋ ବାସନ୍ତୀ ହିଲ୍ଲୋଳେ,
 ଆଜି ଏ ଲଗନେ ଲହରେ ଗୀତଗୋବିନ୍ଦ,

 ମୁଁ ଖୋଜୁଛି
 କେଉଁଠି ଅଛି ସେ ବୃନ୍ଦାବନ
 ଯହିଁ ରଚିବା ଆମେ ଆମ ରାସ ବିନୋଦ ll

 ***************************************** ଅଧ୍ଯାପକ ପ୍ରଶାନ୍ତ କୁମାର ବେହେରା,
ରାଜନୀତି ବିଜ୍ଞାନ ବିଭାଗ,
ସ୍ୱାମୀ ବିବେକାନନ୍ଦ ସ୍ମାରକ ସ୍ୱୟଂଶାସିତ ମହାବିଦ୍ୟାଳୟ, ଜଗତସିଂହପୁର l
ଦୂରଭାଷ - ୯୪୩୭୧୩୫୯୧୬