ବଞ୍ଚିବା ସ୍ୱାଧୀନ ହୋଇ
ବଞ୍ଚିବା ସ୍ୱାଧୀନ ହୋଇ


ସ୍ବାଧୀନ ଦେଶର ସନ୍ତାନ ଆମରେ
ବଞ୍ଚିବା ସ୍ୱାଧୀନ ହୋଇ
ଅଗଷ୍ଟ ପନ୍ଦର ଆସିଲେ ଗାଇବା
ଜନ ଗଣ ମନ ଭାଇ।
ସ୍ମରଣ କରିବା ବୀର ଶହୀଦଙ୍କ
ଅମର କିରତୀ ରାଜି
ଅନୁସରି ତାଙ୍କ ବଳିଦାନ ନୀତି
ଲଗାଇ ଜୀବନ ବାଜି।
ମହା ଆନନ୍ଦରେ ବନ୍ଦେ ମାତରାମ୍
ଗାଇବାରେ ସାଥି ହୋଇ
ଉଡ଼ିବ ତ୍ରିରଙ୍ଗା ସାରା ଭାରତରେ
ଆକାଶ ମାର୍ଗରେ ଯାଇ।
ଗାଆଁରୁ ସହର ଉତ୍ସବ ମୁଖର
ହସିବ ଭାରତ ଭୂଇଁ
ବାଳକଠୁ ବୃଦ୍ଧ ସଭିଏଁ ମଜ୍ଜିବେ
ଜାତୀୟ ସଙ୍ଗୀତ ଗାଇ।