ବନ୍ଧୁରୁ ସାଜିଲ ବଧୂ

ବନ୍ଧୁଟିଏ ହୋଇ  ଆସିଲ  ଜୀବନେ

ବନ୍ଧୁରୁ  ସାଜିଲ  ବଧୂ

ଉଆଁସର ଏଇ  ଜୀବନରେ ମୋର

ହୋଇଲ ପୂର୍ଣ୍ଣମୀ ଇନ୍ଦୁ ।।

ବିନା  ବରଷାରେ  ଇନ୍ଦ୍ରଧନୁ ହସେ

ମନ ଆକାଶରେ ମୋର

ରଜନୀଗନ୍ଧାର  ସୁବାସ   ଚହଟେ

ଅଗଣାରେ   ନିରନ୍ତର ।।

ପରଶମଣିର   ଯାଦୁଗରୀ   ସ୍ପର୍ଶ

ଅଟେକିବା  ତୁମ  ଛୁଆଁ

ସୁବର୍ଣ୍ଣର ପରି ଏ  ଦେହ  ଚମକେ

ଅଙ୍ଗେ ମୋର ଲାଗେ ନିଆଁ।।

ଅଳସ  ଆଖିରେ  ହଜାରେ ସପନ

ସପନରେ  ଖାଲି  ତୁମେ

ଦିନର  ଆରମ୍ଭ  ତୁମରି  ପାଖରୁ

ଶେଷହୁଏ  ତୁମ ନାମେ।।

ହଜି ମୁଁ  ସାରିଛି  ତୁମରି ପାଖରେ

ଜନ୍ମ  ଜନ୍ମାନ୍ତର  ପାଇଁ

ବିତିଯାଉ  ମୋର  ପ୍ରତିଟି ମୁହୂର୍ତ୍ତ

ତୁମ  ମୁହଁ  ଚାହିଁଚାହିଁ।।