Library
ବନ୍ଧୁ
ବନ୍ଧୁ
ସଂପର୍କର ଛିଟା କହେ ନୂଆ କଥା
ସ୍ନେହଁ ସଦିଚ୍ଛାର ଭାବ
ବନ୍ଧୁତା ପରଶେ ହସ ଫୁଲ ଫୁଟେ
ଅନୁଭୂତ ହୁଏ ଗର୍ବ ॥
ସମାଜେ ସୁଲଭ ନିଆରା ସମ୍ବନ୍ଧ
ବନ୍ଧୁତାର ପରିଭାଷା
ବିପଦ ଆପଦେ ବନ୍ଧୁ ସାହା ହୁଏ
ସଞ୍ଚାରିତ ହୁଏ ଆଶା ॥
ବନ୍ଧୁମାନେ ନାଇଁ ଜାତିକି ଅଜାତି
ଅସ୍ପୃଶ୍ୟତା ଭେଦ ଭାବ
ଉଦାର ସ୍ବଭାବ ବନ୍ଧୁର ହୃଦୟ
ସୁକଲ୍ଯାଣେ ଆବିର୍ଭାବ ॥
ହୃଦୟ ଦରଦୀ ବନ୍ଧୁ ସଦା ସାଥୀ
ରାଜଦ୍ଵାରେ ସମଶାନେ
ବନ୍ଧୁ ଏକା ଯୁଝେ ସମ୍ପର୍କ ସରାଗେ
କପଟ ରଖେନି ମନେ ॥
ସର୍ବ କଲ୍ୟାଣରେ ବନ୍ଧୁ ଯୋଡି ହୁଏ
ଉତ୍ସର୍ଗୀକୃତ ତା'ଭାବ
ନିସ୍ଵାର୍ଥପରତା ବାରି ହୋଇ ପଡେ
ବନ୍ଧୁସତେ ପରଂଦେବ ॥
ସମ୍ପର୍କର ସେତୁ ରଖେ ନାଇଁ କିନ୍ତୁ
ହୃଦୟ ମିଶ୍ରଣେ ଭାସେ
ହୃଦୟର ଭାବ କଲ୍ୟାଣ ସଲଗ୍ନ
ମୁଖେଆଣେ ଚିରହସ ॥
ଅଭାବ ସ୍ବଭାବ ନିରିଖି ପରଖି
ବନ୍ଧୁ ଉପନୀତ ହୁଏ
ମୋ ବନ୍ଧୁ ସଙ୍କଟେ ଅଛିତ ନିଶ୍ଚୟେ
ହୃଦୟକୁ ମୋରଛୁଁଏ ॥
ଜୀବନ ଦର୍ଶନ ବନ୍ଧୁ ନିଦର୍ଶନ
ହେଜମୋର ସହୋଦର
ବନ୍ଧୁତା ମର୍ଯ୍ୟାଦା ରଖହେ ସର୍ବଦା
ଝରିବ କଲ୍ୟାଣ ନୀର ॥
