ଦାୟିତ୍ୱବାନଟେ ହୁଅ

ଜୀବନଟା ଆମ ଦାୟିତ୍ୱରେ ଭରା,

ସେଥି ପ୍ରତି ଦେବା ଧ୍ୟାନ ।

ସମସ୍ତ ଦାୟିତ୍ବ ଯିଏ କରେ ପୂର୍ଣ୍ଣ,

ସିଏ ଏକା ଭାଗ୍ୟବାନ।।

ଦାୟିତ୍ୱ ବିନା କି ଆମ ଜୀବନଟା,

ଲଭିପାରେ ଆତ୍ମତୃପ୍ତି ?

ନ୍ୟସ୍ତ ଦାୟିତ୍ୱଟି କରିଲେ ସଂପୂର୍ଣ୍ଣ,

ମିଳିଥାଏ ବହୁ ଶାନ୍ତି ।।

ଭରସାଯୋଗ୍ୟଙ୍କୁ ଦିଆଯାଇଥାଏ,

ଦାୟିତ୍ୱ ଯେ କିଛି କିଛି ।

ସେ ସବୁ ଦାୟିତ୍ୱ ହୋଇଲେ ପୂରଣ,

ଚିନ୍ତା ହୁଏ ମନୁ ପୋଛି ।।

ଦାୟିତ୍ୱ ଆମକୁ ଶିକ୍ଷା ଦେଇଥାଏ,

ହେବାକୁ କର୍ମ ତତ୍ପର ।

ଦାୟିତ୍ୱ ଯୋଗୁଁ ହିଁ ଆମ ଜୀବନଟା,

ଲାଗଇ ବହୁ ମଧୁର ।।

ଦାୟିତ୍ୱହୀନ ହିଁ ଏଇ ସମାଜରେ,

ହୁଅଇ ଅବହେଳିତ ।

ଦାୟିତ୍ୱ କୁ ଭୁଲି ଯେ କରଇ କର୍ମ,

ହୁଏ ପରା ସେ ଲାଞ୍ଛିତ ।।

ତେଣୁ ସମାଜରେ ଖ୍ୟାତି ରଚିବାକୁ,

ଦାୟିତ୍ୱବାନଟେ ହୁଅ ।

ସଠିକ୍ ରୂପରେ ଦାୟିତ୍ୱ ତୁଲାଇ,

ସଭିଙ୍କ ପ୍ରଶଂସା ପାଅ ।।