Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Kulamani Sarangi

Fantasy

3  

Kulamani Sarangi

Fantasy

ଜହ୍ନ ଲୁଚନାରେ

ଜହ୍ନ ଲୁଚନାରେ

1 min
234



ଏ ରାକା ନିଶିରେ,ଜହ୍ନ ଲୁଚନାରେ,

ସମୟ ହୋଇନି ଶେଷ,

ସବୁ ସ୍ମୃତି ଆଜି,ଜୋଛନାରେ ହଜି

କରନ୍ତି ସ୍ୱପ୍ନବିଳାସ ,

କେଉଁ ଉପବନ ନିଶିଗନ୍ଧାରେ ମୋ 

ବିଭୋର ହୁଏ ନିଃଶ୍ବାସ।। 


ମନ ଅଳକାର ତୀରେ ଦିନେ ବସି

ଦେଇଥିଲୁ ପରିଚୟ,

ସେହି ପରିଚୟ ସମ୍ପର୍କ ହେବାକୁ

ଲାଗିଲା ଏତେ ସମୟ,

ପ୍ରତିଶ୍ରୁତି କବିତାର ସୁରେ ସୁରେ

ଝରାଇଲୁ ମଧୁ ହସ,

ଏ ରାଜା ନିଶିରେ ଜହ୍ନ ଲୁଚନାରେ ସମୟ ହୋଇନି ଶେଷ।।


ଆଜି ଏ ରାତିରେ ନେବାକୁ ବିଦାୟ

ତରତର ହେଉ କିଆଁ,

ଶୁଭେ ଦୂରବନେ ବଇଁଶୀର ସୁର

ମନରେ ଲାଗିଛି ନିଆଁ,

ନୀରବରେ ଶୁଣିବାକୁ ସେ ସୁରକୁ 

ଜହ୍ନ ମୋ ପାଖରେ ବସ,

ଏ ରାକା ନିଶିରେ ଜହ୍ନ ଲୁଚନାରେ ସମୟ ହୋଇନି ଶେଷ।।


ତୋ ଶୀତଳତାରୁ ଦେଇ ଆଞ୍ଜୁଳାଏ 

ଯିବୁ ଯେବେ ଯାଆ ଜହ୍ନ,

ପ୍ରତିଶ୍ରୁତି ଦେଇ ଯାଆ ଫେରିବାକୁ 

ଡାକିବ ଯେବେ ମୋ ମନ,

ତୁ ପାଖରେ ଥିଲେ ଏ ଶୀତ ରାତିର

ହୁଏନି ବୟସ ଶେଷ,

ଏ ରାକା ନିଶିରେ ଜହ୍ନ ଲୁଚନାରେ ସମୟ ହୋଇନି ଶେଷ।।


Rate this content
Log in