Library
Profile
ବନ୍ଧନ
ବନ୍ଧନ
ବନ୍ଧନ ଗୋଟାଏ ବିଶ୍ଵାସର ଡୋର
ସହଜରେ ଛିଣ୍ଡେ ନାହିଁ
ଥରେ ଯଦି ସିଏ ଛିଣ୍ଡି ଯାଇଥାଏ
ଯୋଡି ପାରନ୍ତି ନି କେହି ।
ଦୁଇଟି ମନର ମିଳନ ହୋଇଲେ
ଆତ୍ମା ଯଦି ଏକ ହୁଏ
ସେଇ ବନ୍ଧନ ଯେ ଅତୁଟ ରହଇ
ନା ଭାଙ୍ଗି ପାରଇ କିଏ ।
ମନଟି ଅଟଇ ସ୍ୱଚ୍ଛର ଆଇନା
ବିଶ୍ୱାସ ଭରସେ ବନ୍ଧା
ଥରେ ଯଦି ତାହା କଳୁଷିତ ହୁଏ
ସମ୍ପର୍କ ରହଇ ଅଧା ।
ଭାଇ ଭଉଣୀଙ୍କ ପବତ୍ର ବନ୍ଧନ
ନା' ତୁଟି ପାରି ଥାଏ
ସ୍ୱାର୍ଥ ଯଦି ତାଙ୍କୁ ଗ୍ରାସ କରି ଦିଏ
ଅଲଗା ହୁଅନ୍ତି ସିଏ ।
ସ୍ୱାମୀ ସ୍ତ୍ରୀଙ୍କର ବିଶ୍ୱାସ ବନ୍ଧନ
ସାତ ଜନ୍ମ ପାଇଁ ଥାଏ
ଅଗ୍ନି ସାକ୍ଷୀ ରଖି ସାତଫେରା ନେଇ
କଥା ଦେଇ ଥାନ୍ତି ସିଏ ।
ହେଲେ ଆଜିକାଲି ଏଇତ ବନ୍ଧନ
ଅର୍ଥରେ କେତେ ଗଣନ୍ତି
ଅଧା ବାଟେ ହାତ ଛାଡି ଦେଇ ସିଏ
ଅନ୍ୟ କାହା ସାଥେ ଯାନ୍ତି ।
କୃଷ୍ଣ ସୁଦାମାଙ୍କ ବନ୍ଧନ ନିଆରା
ହୃଦୟେ ପୁଲକ ଜାଗେ
କେତେ ଶରଧାରେ ଖୁଦ ଭଜା କୃଷ୍ଣ
ଗୋଟାଇ ଖାଇଲେ ଆଗେ ।
ଏମିତି ବନ୍ଧନ ବହୁତ କମ୍
ଦେଖିବାକୁ ମିଳି ଥାଏ
ସମ୍ପଦ ବନ୍ଧନେ ସମସ୍ତେ ଥାଆନ୍ତି
ବିପଦେ ନ ଥାନ୍ତି କିଏ ।
କୃଷ୍ଣ ଅର୍ଜୁନଙ୍କ ସଖାର ବନ୍ଧନ
&n
bsp; ଭୁଲି କି ପାରିବ କିଏ
ଏକ ଆତ୍ମା ଏକ ମନ ହେଇ ଥିଲେ
ଦିତି କୃଷ୍ଣ କୁହାଯାଏ ।
ସତ୍ୟ ସଚ୍ଚୋଟର ବନ୍ଧନର ସାଙ୍ଗ
ଶହେ କେ ଗୋଟିଏ ଥାନ୍ତି
ଅନେକ ସାଙ୍ଗ ଯେ ବିପଦ ଆଣନ୍ତି
ବନ୍ଧନ ଛିଣ୍ଡାଇ ଦ୍ୟନ୍ତି ।
ରାଧା ମୀରା କୃଷ୍ଣ ପ୍ରେମର ବନ୍ଧନ
ଅଛି ଯୁଗ ଯୁଗ ପାଇଁ
କେତେ ନିନ୍ଦା ଅପବାଦ ସହି ଷ ଏ
ନା ଥିଲେ କେବେ ଦୂରେଇ ।
ତାଙ୍କ ସେଇ ପ୍ରେମ ପବିତ୍ର ବନ୍ଧନ
ଲେଖାଅଛି ପୁରାଣରେ
କେତେ ସୁନ୍ଦର ରେ ଲୀଳା କରୁଥିଲେ
ଯମୁନା ନଦୀର ତୀରେ ।
ଭକ୍ତ ଭଗବାନ ବନ୍ଧନ ଏମିତି
ଆଖି ନିଦ ହଜିଯାଏ
ଭକତ ଦୁଃଖରେ ଦୁଃଖୀ ହେଇ ପ୍ରଭୁ
ଭକ୍ତ ବାଟ ଚାହିଁ ଥାଏ ।
ଆଜିକାଲି ସ୍ୱାର୍ଥ ବନ୍ଧନରେ ବନ୍ଧା
ଚାଲିଛି ଏଇ ଦୁନିଆ
ସ୍ୱାର୍ଥ ସରିଗଲେ ବନ୍ଧନ ତୁଟଇ
ସାଥି ଦି ଦିନ କୁଣିଆ ।
ଛଳନା କପଟ ମିଛ ସ୍ନେହ ଜାଲ
ବନ୍ଧନେ ବାନ୍ଧିଣ ଥାନ୍ତି
ସରିଗଲେ ସ୍ୱାର୍ଥ ଆଉ ଫେରନ୍ତିନି
ମୁହଁକୁ ବେଲେଇ ଯାନ୍ତି ।
ଆଜିକାଲି ସମସ୍କନ୍ଧ ହେଲେ ଯାଇ
ବନ୍ଧୁ ବନ୍ଧନ ରଖନ୍ତି
ନ ହେଲେ ବାହାନା କରିଣ ସେମାନେ
ସମ୍ପର୍କ ତୁଟାଇ ଥାନ୍ତି ।
ଏଇତ ଜୀବନ ଅଢେଇ ଦିନିଆ
କି ଅବା ଭରସା ତାକୁ
ଚକ୍ରଧର ଦ୍ୟନ୍ତି ଆଶ୍ରୟ ଯାହାକୁ ସେ
ବନ୍ଧନ ଯୁଗ ଯୁଗକୁ ।
