ବନ୍ଦେ ମାତରଂ ,,,,,,,,,,,,,,,,,,,,,,,,,

ବୀର ପ୍ରସବିନୀ ମୋର ଏ ଭାରତ 

ବୀରବିରା ଗଣେ ପୁର୍ଣ 

ଯେଉଁଠି ଶ୍ରୀରାମ ଶ୍ରୀକୃଷ୍ଣ ଅର୍ଜୁନ 

ବୁଦ୍ଧଦେବ ଙ୍କର ଜନ୍ମ l 

ଏ ଦେଶର ପାଣିପଵନ ନିଆରା 

ପର୍ବତେ ଫୁଟାଏ ପଦ୍ମ 

ନାନା ଅସ୍ତ୍ର ଶସ୍ତ୍ର ତିଆରିର ମର୍ମ 

ଅର୍ଥର୍ବ ବେଦ ର କର୍ମ l 

ମାରି ଜୀବଦାନ ଦେବାର କ୍ଷମତା 

ଯେଉଁ ଜାତି ପାରେ କରି 

ସେହି ମୋର ଦେଶ ତା ନାମଭାରତ 

କେହି ନୁହେଁ ତାର ସରି l 

ସତୀ ଅନ୍ନସୂୟା ସୀତା ଓ ପାର୍ବତୀ 

ଯେ ଦେଶେ ଜନମ ନେଲେ 

ସେ ଦେଶେ ଜନମି କୃତାର୍ଥ ମଣୁଛି 

ନିଜକୁ ଆଜି ମୁଁ ଭଲେ l 

ଗାନ୍ଧିଜୀ ନେତାଜୀ ଲାଲ ବାଲପାଲ 

ଯେ ଦେଶେ ଜନମି ଛନ୍ତି 

ଇଂରେଜ ହାତରୁ ଶାସନ ଛଡାଇ 

ଅହିଂସାରେ ଆଣିଛନ୍ତି l 

ନିଜେ ମରୁ ପଛେ ଅନ୍ୟାୟ ଶହେନା 

ଏ ଦେଶର ଅହଂକାର 

ତଥାପି ଇଂରେଜ କରିଲା ସାହସ 

କରିବାକୁ ଅଧିକାର l 

ବହୁ କଷ୍ଟ ସହି ଛଡାଇ ଆଣିଲେ 

ସ୍ୱାଧୀନତା ଏ ଦେଶର

 ସ୍ୱାଧୀନତା ମାନ ଆମେତ ରଖିବା 

ଡୋରି ବାନ୍ଧି ମମତାର l 

ଆମେ ଯଦି ତାର ସୁରକ୍ଷା ନଦେବା 

ସ୍ଵାର୍ଥେ ଭୋଳ ହୋଇଯିବା 

ସ୍ନେହ ପ୍ରେମ ପ୍ରୀତି ଜାତୀୟ ପତକା 

ସନ୍ନମାନ କୁ ହରାଇବା l 

ଏ ତ୍ରିରଙ୍ଗା ତଳେ ଠିଆ ହୋଇ ଆଜି 

ଶପଥ କରିବା ଆସ 

ଜାତିର ଏକତା ରକ୍ଷାକରି ସର୍ବେ 

ଆଗେଇ ନେବା ଏ ଦେଶ l

 ସିଂହ ଘରେ ପୁଣି ମିରିଗ ମାନଙ୍କୁ 

ଆମେ ରଖାଇ ନଦେବା 

ଗୃହଶତ୍ରୁ ସାଜୁଥିବା ବିଭିଷଣେ 

ଉଚିତ ଶିକ୍ଷା ଯେ ଦେବା l 

ସ୍ୱାଧୀନତା ଜନ୍ମଗତ ଅଧିକାର 

ଏ କଥା ନ ଭୁଲ ଭାଇ 

ବନ୍ଦେ ମାତରଂ ବନ୍ଦେ ମାତରଂ 

ମାତାର ସନ୍ନମାନ ଏହି l