ବିଘ୍ନ ରାଜେନ୍ଦ୍ରଂ

ଶୀର୍ଷଦେବ ଆହେ ଗୈ।ରୀନନ୍ଦନ

     ଘେନାକର ଆମ୍ଭ ବିନତୀ,

ଭାଦ୍ର ମାସର ଯେ ଶୁକଳ ଚତୁର୍ଥୀ

       ପୂଜା କରେ ଏହି ଜଗତି ।

କୈଳାସ ପତିଙ୍କ ସୁଯୋଗ୍ୟ ସନ୍ତାନ

        କାର୍ତ୍ତିକେୟଙ୍କର ଭ୍ରାତା,

ଦ୍ଵାଦଶ ନାମରେ କେତେଯେ ମହିମା

      ଜପେ ଜାଣେ ସେହି ଭକ୍ତା ।

ବିଦ୍ୟାର୍ଥୀ ଲଭଇ ଅଗାଧ ପାଣ୍ଡିତ୍ୟ

        ତୁମରି ଶରଣ ହେଲେ,

ଅପୁତ୍ରିକ ଲଭେ ସୁଯୋଗ୍ୟ ସନ୍ତାନ

         ତୁମରି କରୁଣା ବଳେ ।

ପାପୀ ହୋଇଯାଏ ସଂସାରରୁମୋକ୍ଷ

      ବିଘ୍ନ ରାଜେନ୍ଦ୍ରଙ୍କ ଯୋଗୁଁ,

ଭାଲଚନ୍ଦ୍ର ଆହେ ଧୂମ୍ରବର୍ଣ୍ଣ ପ୍ରଭୁ

   ସଂସାରରେ ବିରାଜ ହେଉ ।

ରିଦ୍ଧିସିଦ୍ଧି ପତି ଲମ୍ବୋଦର ତୁମେ

        ଶୁଭଲାଭ ନିତ୍ୟକର,

ବ୍ୟବସାୟ ଆଉ ବାଣିଜ୍ୟ କ୍ଷେତ୍ରରେ

      ତବ କରୁଣା ଅପାର ।

ଅଦ୍ୟ ଦିବସରେ ଘେନ ମୋ ପ୍ରଣତୀ

        ଗଜବକ୍ର ବିନାୟକ,

ଅଜ୍ଞାନ ଅନ୍ଧାର ଦୂରିଭୁତ କରି

     ପ୍ରକାଶ ହେ ଜ୍ଞାନାଲୋକ ।

                  -ସୁମିତ୍ରା ମିଶ୍ର,

  କପିଳା, ବିଞ୍ଝାରପୁର, ଯାଜପୁର ।