ବିଦାୟ ସେନାପତି
ବିଦାୟ ସେନାପତି
ମାଆ ଦେଶମାଟି କାନ୍ଦୁଛି ବାହୁନି
ବୀରପୁତ୍ର ତା ବିପିନ
ଦୁର୍ଘଟଣା ଯୋଗୁ ହରାଇଛି ତାର
ଅମୂଲ ମୂଲ୍ୟ ଜୀବନ ।
ସର୍ବୋଚ୍ଚ ପଦରେ ଅଧିଷ୍ଠିତ ବୀର
ବୀରତ୍ବ ଅପରିସୀମ
ଜାଣି ନଥିଲା ସେ ପଛଘୁଞ୍ଚା ଯୁଦ୍ଧେ
ଶତ୍ରୁଙ୍କର କାଳଯମ ।
କୁଳୀନ କୁଶଳୀ ଥିଲା ଅଦ୍ୱିତୀୟ
ସିଂହ ସମ ପରାକ୍ରମ
ପୈ।ରୁଷକୁ ତାର ଡରୁଥିଲା ଶତ୍ରୁ
ଶୁଣିଦେଲେ ମାତ୍ର ନାମ ।
ହେ ସୂର୍ଯ୍ୟ ବିପିନ ରାୱତ ଅମର
ଶହୀଦ ମହାନାୟକ
ଅର୍ପଣ କରୁଛୁ ଶରଧା ସୁମନ
ଅନ୍ତରୁ ଗଭୀର ଶୋକ ।