ଭୋଦୁଅ ସଞ୍ଜରେ

ବରଷା ଆସିଲେ ପ୍ରିୟସୀ ମୋହର 

ମୁରୁକି ମୁରୁକି ହସେ 

ପ୍ରୀତି ବଗିଚାର ସଜ ଫୁଲ ପରି 

ମହକି ମହକି ବାସେ ।

ମନେ ଛୁଇଁଯାଏ ସେଦିନର କଥା 

ଯେଦିନ ପହିଲି ଦେଖା 

ଭୋଦୁଅ ସଞ୍ଜରେ ବୟସ ତୁଠରେ 

ପ୍ରେମ ହୋଇଥିଲା ଲେଖା,

ଆଖିର ଭାଷାକୁ ଦୁହେଁ ପଢୁଥିଲୁ 

ପ୍ରଣୟ ବତୁରା ରସେ ।

ବରଷା ଆସିଲେ ପ୍ରିୟସୀ ମୋହର 

ମୁରୁକି ମୁରୁକି ହସେ

କାହିଁକି କେଜାଣି ଭିଜିବାକୁ ସିଏ 

ଭାରି ଭଲପାଏ କୁହେ 

ବିନ୍ଦୁ ବିନ୍ଦୁ ବାରି ଆନନ ପଖାଳି 

ରୂପବତୀ ରୂପ ବାହେ, 

ଜୋଛନା ନଈରେ ନିଜକୁ ଭସାଇ 

ହୃଦୟ ଦୁଆରେ ବସେ ।

ବରଷା ଆସିଲେ ପ୍ରିୟସୀ ମୋହର 

ମୁରୁକି ମୁରୁକି ହସେ ।