ଲାଇବ୍ରେରୀ
ପ୍ରୋଫାଇଲ୍
ଚାନ୍ଦିନୀ ରାତି
ଚାନ୍ଦିନୀ ରାତି
1 min
11.6K
ଭିଜା ଭିଜା ଏଇ ଚାନ୍ଦିନୀ ରାତିରେ
ଖୋଜୁଛି କାହାକୁ ଆଖି
ଝାପସା ଝାପସା ଏଇ ଛାଇ ଆଲୁଅରେ
ପାଇବ କି କେବେ ଦେଖି,
ମନ ସିନା ଏଠି ପାଉଛି ଯାତନା
ଅତୀତ ନିଆଁରେ ଜଳି
ଭଙ୍ଗା ହୃଦୟରେ ସାଉଣ୍ଟି ଚାଲିଛି
ସେଦିନ ସାଇତା ଅଳି,
ଆଶା ମରୀଚିକା ତତଲା ବାଲିରେ
ମଉଳି ଯାଉଛି ଶୁଖି
କିଏ ବା ଦେଖିବ ଛାତିର ଦରଦ
ଆପଣାର କେହି ନାହିଁ
ଭଲପାଇବାଟା ବିରହ ବେଦନା
ସାଜିଥାଏ କାହା ପାଇଁ,
ରାତି ବି ବିତିବ ସପନ ହଜିବ
ଅକୁହା କାହାଣୀ ଲେଖି
