ଭଙ୍ଗା ଦଦରା
ଭଙ୍ଗା ଦଦରା
ଭଙ୍ଗା ଦଦରାକୁ ଘରେ ଯେ ଫୋପଡ଼ା
ଯାଇ ଥାଏ ସବୁ ଦିନ
ଜାଣିଛ କି କେହି ଭଙ୍ଗା ଓ ଦଦରା
ଦରବର ଗୁଣ ମାନ ।
ଏଣେ ତେଣେ ପଡି ପ୍ରଦୂଷିତ କରି
ସ୍ଥାନ ମାନ ଅବିରତ
ବାୟୁ ଜଳ ସ୍ଥଳ କରେ ପ୍ରଦୂଷଣ
ସାଧଇ କ୍ଷତି ବହୁତ ।
ଗଦା ଗଦା ହୋଇ ଓଲିଆ ଗଦାରେ
ପଡ଼ି ରହି ପୁଣି ନାନା
ପ୍ରକାରର ବହୁ ଜୀବାଣୁ କିଟାଣୁ
ଜନ୍ମାଇ ଛାଡେ ବାସନା ।
ପ୍ରଭବେ ତାହାର ଜୀବନ ଯାପନ
ହୁଏ ଅତି ଦୁର୍ବିସହ
ରୋଗ ପୀଡ଼ା ବଢେ ପୋକ ମାଛି ଉଡ଼ି
ବସୁ ଥାନ୍ତି ଶହ ଶହ ।
ସେହି ମାନେ ପରେ ମାନବ ଦେହରେ
ସଞ୍ଚାରି ତହିଁରୁ ବିଷ
ରୋଗ ପୀଡ଼ା ସୃଷ୍ଟି କରାଇବା ସହ
କରେ ପରିବେଶ ଧ୍ଵଂସ ।
ପୁନଃଚକ୍ରଣରେ ତହିଁରୁ ନୂତନ
ଦ୍ରବ୍ୟ ହୁଏ ଉତ୍ପାଦନ
କଳା କୌଶଳରେ ତହୁଁ ହୋଇ ପାରେ
କେତେ ଯେ ଉପକରଣ ।