ମହାପ୍ରଭୁ ଙ୍କ ପାଇଁ ହୃଦୟରୁ କିଛି

ହେ କଳା ଠାକୁର  କାଳୀୟ ଗଞ୍ଜନ

     ଶୁଣ ମୋ ଗୁହାରି ଥରେ l

ମାନସିକ ଆଉ  ଶାରୀରିକ ଦୁଃଖ 

    ବ୍ୟାପେ ମୋ ଚାରି ପାର୍ଶ୍ଵରେ l

କାହା ଆଗରେ ମୁଁ  କହିତ ପାରେନା 

     ମୋ ମନ ଅନ୍ତର କଥା l

ତୁମ ବିନା ଆଉ  କିଏ ବା ବୁଝିବ 

    ଦୁଃଖ ଓ ଯନ୍ତ୍ରଣା ବ୍ୟଥା l

ଯେବେଠାରୁ ମୋର  ହେତୁ ପାଇଅଛି

   ମୁଁ ଯେ ସମର୍ପିତ ତୁମ ପାଦେ l

ଜୀବନ ଯନ୍ତ୍ରଣା  ପାରୁନାହିଁ ସହି 

     ଅନ୍ତରରୁ ମୁଁ ଯେ କାନ୍ଦେ l

ସବୁ କଥା ଆଜି  କହିଦେବି ପ୍ରଭୁ

      ଶାନ୍ତ ହୋଇଯିବ ମନ l

ଜଗତ କଲ୍ୟାଣେ  ମୋ ଜୀବନ ଯାଉ

     କରେ ତୁମ ପାଶେ ନିବେଦନ l

ଶାରୀରିକ କଷ୍ଟ  ଦେଲ ପ୍ରଭୁ ମୋତେ 

    ପାଖକୁ ପାରୁନି ଯାଇ l

ହୃଦୟରେ ମୋର  ରହିଅଛ ତୁମେ

     ନିତି ଦର୍ଶନ କରଇ l

ଭାବିଥିଲି ଯିବି  ରଥ ଯାତରାକୁ

    କରିବି ତବ ଦର୍ଶନ l

ଶରୀର ଦୁଃଖରେ ପଡ଼ି ରହିଅଛି

   ଭାବେ ତୁମ କଥା ରାତିଦିନ l

ଆରୋଗ୍ୟ ମୋତେ  କର ମହାପ୍ରଭୁ 

     ଆକୁଳ ପ୍ରାର୍ଥନା କରେl

ତୁମେ ମୋ ନିଃଶ୍ୱାସ  ତୁମେ ମୋ ବିଶ୍ୱାସ

     ଅନ୍ତର ତୁମକୁ ଝୁରେ l

ଜଗତର ନାଥ  ଆହେ ଲକ୍ଷ୍ମୀକାନ୍ତ

     ବୁଝ ଟିକେ ମୋର ଦୁଃଖ l

ଭାବ ବିନୋଦିଆ  ଭାବର ଠାକୁର

 ତୁମ ପାଦ ତଳେ ମୋତେ ରଖ l