କେବେ ତୁମେ ଆସିବ ଫେରି

କାହିଁ ଅଛ ତୁମେ ଆସ ହେ ଫେରି

ଚାହିଁ ରହିଅଛି ବାଟ ତୁମରି l

କାହିଁ ତୁମ କଥା ପଡୁଛି ମନେ

ଆସିଥିଲ କେବେ ମୋର ଜୀବନେ l

କଥା ହେଉଥିଲେ ଦିନ ଓ ରାତି

ବୁଝିଲନି ମୋର ମନକୁ ସାଥି l

ତୁମ ବିନା କେହି ମନକୁ ମୋର

କରି ପାରିବେନି ଆଉ ନିଜର l

କହିଥିଲ ଦିନେ ନଯିବ ଛାଡ଼ି

ନିଜ ସ୍ବାର୍ଥ ପାଇଁ ଗଲ ଦୂରେଇ l

ଯୋଉଠି ରୁହ ତୁମେ ଭଲ ରେ ରୁହ

ମନ ପଡିଗଲେ ଆସେ ମୋ କୋହ l

ଅଳପ ଦିନର କଥା ଆମର

ଚୋରି କରିନେଲ ହୃଦୟ ମୋର l

ମୋ ମନ କାହିଁକି ଦେଲି ଉଜାଡ଼ି

ଜାଣି ନଥିଲି ତୁମେ ଛଳନା ବୋଲି l

ଭାରି ରାଗ ଲାଗେ ନିଜ ଉପରେ

ଏବେ ମନ ପୁରା ନିୟନ୍ତ୍ରଣ ରେ l

କହି ପାରେନାହିଁ ଅକୁହା କଥା

କିଏ ବା ପଢ଼ିବ ମନର କଥା l

ଦିନ ପରେ ବର୍

Advertisement

ଷ ଯାଉଛି ବିତି

ସବୁବେଳେ ତୁମେ ମୋ ମନରେ ସାଥି l

ଦେଖି ପାରେନାହିଁ କି ଛୁଇଁ ପାରେନାହିଁ

ହେଲେ ହୃଦୟରୁ ନପାରେ ଦୂରେଇ l

ତୁମେ ଖୁସି ଅଛ ଯେବେ ଆଉ କାହା ପାଖରେ

ମୁଁ କାହିଁ କଣ୍ଟା ସାଜିବି ତୁମ ବାଟରେ l

ଏମିତିବି କିଛି ମୁହୂର୍ତ୍ତ ନାହିଁ 

ଯେଉଁଥିରେ ତୁମେ ନ ଆସ l

ଏବେ ବହୁତ୍ ସମୟ ଗଡ଼ି ଯାଇଛି

ହେଲେ କାହିଁକି ତୁମେ ମୋ ହୃଦୟରୁ ଯାଉନ l

ଜାଣିଛି ତୁମେ କେବେ ନ ଆସିବ ଫେରି

ବିଶ୍ୱାସ ଭାଙ୍ଗି ଯାଇଛି ସେହି ଦିନ ଠାରୁ l

କ୍ଷଣସ୍ଥାୟୀ ସୁଖ ପାଇଁ ନ ବୁଝିଲ ମୋତେ

ମୋ କଥା ଲାଗିଲା ବିଷ ବୁଝିଲନି ଥରେ l

ହେଲେ ଆଜି ବି ମୋର ହୃଦୟ ଏକା

ଅପେକ୍ଷା କରେ ମୋ ମନ ଝରକା l

ଫେରିବନି ତୁମେ ଜାଣିଛି ମୁହିଁ

ହେଲେ ଫେରିବା ବାଟକୁ ରହିଛି ଚାହିଁ l