ଅଭୁଲା ଦିନ

କାହିଁ ଚାଲିଗଲା ଅଭୁଲା ଦିନ

ବୁଝେନାହିଁ ମୋର ଅବୁଝା ମନ l

ଆସିଥିଲା କେତେ ସପନ ନେଇ

ରାତି ହେଲା ଯେବେ ଗଲା ଉଭେଇ l

ପଡୁନି କି ମନ ସେ ଦିନ ରାତି

କଟି ଯାଉଥିଲା ସମୟ ବିତି l

କେମିତି ଭୁଲିଲ ସେ ସବୁ କଥା

ବୁଝିଲନି ଟିକେ ମନର ବ୍ୟଥା l

ପାରେନା ମୁଁ ଭୁଲି ବହୁତ କଷ୍ଟ

ଏମିତି ଥିଲା ସେ ଅଭୁଲା ଦିନ l

ମନକୁ ଆକଟ କରିଲି ନାହିଁ

ଦୁଃଖ ଆସିଥିଲା ମୋ ମନ ଡେଇଁ l

କିଏ ବା ବୁଝିବ ଅଶାନ୍ତ ମନ

ମନେପଡ଼ି ଯାଏ ଯେବେ ସେ ଦିନ l

ନିର୍ମଳ ହୃଦୟ ବୁଝେନା କେହି

ମରୀଚିକା ପଛେ ଯାଏ ଗୋଡ଼ାଇ l

କଷ୍ଟ ପାଇଅଛି କେତେ ହୃଦୟ ମୋର

ବହି ଯାଇଅଛି ଲୁହର ଧାର l

କହି ହୁଏ ନାହିଁ ସେ ଦିନ କଥା

ଆଜି ବି ଜୀବିତ ସେ ହୃଦୟ କ୍ଷତ l

କାହିଁକି ମନ ମୋ ସରଳ ହେଲୁ

ଅଯଥାରେ କେତେ କଷ୍ଟ ପାଇଲୁ l

ସ୍ୱାର୍ଥପର ପରା ଏଇ ସମାଜ

କେହି ନ ବୁଝିବେ ତୋର ଦରଜ l

ଏ କ୍ଷତ ପୂରଣ ନ ହୋଇପାରେ

ଆଜି ବି ଏ ମନ ତାକୁ ହିଁ ଝୁରେ l

ଜାଣିଛି କେବେ ସେ ହେବନି ତାର

ଖୋଲା ନାହିଁ ଆଉ ମନ ଦୁଆର l

ସବୁ ମୁହୂର୍ତ୍ତରେ ଆସେ ମୋ ମନେ

ଯେତେ ଭୁଲିଲେ ବି ଭୁଲି ପାରେନା l

ସମୟ ଯାଉଛି ଆଶ୍ଚର୍ଯ୍ୟ ହୁଏ ମୁହିଁ 

ଯେତେ ଚେଷ୍ଟା କଲେ ମଧ୍ୟ ଭୁଲି ପାରୁନାହିଁ l