ନୀରବ ଲୁହ

ବହି ଯାଉଥାଏ ନୀରବ ଲୁହ

ସମ୍ଭାଳି ପାରେନି ମନର କୋହ l

ନଥାଏ ଯନ୍ତ୍ରଣା ନ ଵୋହେ ରକ୍ତ

କରେନା ସେ ଶବ୍ଦ ବହୁତ ଶାନ୍ତ l

ବୁଝି ପାରନ୍ତିନି କେହି ସେ ଦୁଃଖ

ଝରି ଯାଏ ଅଶ୍ରୁ ଦିବସ ରାତ୍ର l

ଅନ୍ତର ବେଦନା ବୁଝେନା କେହି

ମନର ଯନ୍ତ୍ରଣା ବୁଝନ୍ତି ନାହିଁ l

ଲୁହ ଝରି ଯାଏ ଲାଗେ ହାଲୁକା

କେ ଅବା ବୁଝିବ ହୃଦୟ କଥା l

କାହିଁକି ବୁଝୁନି ଅବୁଝା ମନ

ଭୁଲି ପାରୁନାହିଁ ରାତି ଓ ଦିନ l

ସମୟ ସରୁଛି ସରୁନି ସ୍ମୃତି

ଆଜି ବି ମନ ପଡ଼ିଯାଏ ସେହି ଅଭୁଲା ରାତି l

ଦୁଃଖ ଲାଗେ ଭାବି ସେହି ରାତିର ମୁହୂର୍ତ୍ତ

କାହିଁ ବୁଝି ପାରନ୍ତିନି ହୃଦୟର ଦୁଃଖ l

ଆଖି ଓଦା ହୋଇ ସରିଯାଏ ରାତି

ସ୍ମୃତି ଆଜି ମନେ ପଡେ ଲୁହ ହୁଏ ସାଥୀ l

ସମସ୍ତେ ପାରନ୍ତି ନାହିଁ ଲୁହ କୁ ଦେଖାଇ

ଆଖି ରୁ ନୀରବ ଲୁହ ଯାଉଥାଏ ବହି l