ବିଶ୍ବ ମାନବିକତା ଦିବସ
ବିଶ୍ବ ମାନବିକତା ଦିବସ
ଜହ୍ଲାଦର ଆତଙ୍କରେ ଉଠୁଛି ପଡ଼ୁଛି
ଦେଶ ଓ ବିଶ୍ୱ,
ହଜି ଯାଉଛି ମଣିଷ ଓ ମଣିଷ ଭିତରେ
ସେ ବିଶ୍ୱାସ |୧|
ଏଠି ସୃଷ୍ଟି ହୁଏ ସବୁ ବିଭେଦ ଜାତି
ଧରମ ନାମରେ
କ୍ଷୁଣ ହେଉଛି ସୃଜନିକାର ଶକ୍ତି ଓ
ବିଚାରବୋଧରେ |୨|
ଆଗେଇ ଚାଲିଛି ମଣିଷ ଜାତି ନିଜର
ଧ୍ବଂସ ପଥରେ
ସପନ ହଜି ଯାଉଛି ରହିବା କେମିତି
ଟିକିଏ ଶାନ୍ତିରେ |୩|
ନିର୍ବାଣର ଞାନ ପ୍ରାପ୍ତି ପାଇଁ ସିଦ୍ଧାର୍ଥ
ତ ବୁଦ୍ଧ ହେଲେ
"କାମନା ବିନାଶେ ଦୁଃଖ ର ବିନାଶ!"
କଥା କହିଲେ |୪|
ଅଭାବ ଏକ ମନର ଆବେଗ, ଦିଏ
ତାହା ଅସନ୍ତୋଷ,
ମନେ ସରଳ ଜୀବନ ଭାବନାରେ
ରହେନା ଅବଶୋଷ |୫|
କାମନା, ଏହା ତ ଅତୃପ୍ତ, ରହି ଆସିଛି
ଓ ରହିଥିବ
ଏ ଦୁରୂହ ପ୍ରଚେଷ୍ଟାରେ ମଣିଷ ଲାଗି
ରହିଛି ଓ ରହିବ |୬|
ମଣିଷ ହିତରେ ମଣିଷ ନଲାଗି, ପଶୁ
ପରି ଚାଲୁଛି,
ପଶୁ ଭାବାପନ୍ନ ମାନସରେ ବିଭେଦ
ଉତ୍ପନ୍ନ ହେଉଛି |୭|
ନିଜ ସ୍ଵାର୍ଥେ ଲାଗିଛେ ସରବେ ଧନ,
ମାନ,ଖ୍ୟାତି ପାଇଁ,
ଇଛା ହୁଏ କାମିନୀ ଓ କାଞ୍ଚନକୁ
ଆପଣେଇବା ପାଇଁ |୮|
ବିଚାରବୋଧର ଶକ୍ତି ଅଛି, ବୁଦ୍ଧି ଅଛି,
ବିବେକ ବି ଅଛି
ସୃଷ୍ଟିରେ, ଏହା ହିଁ ମଣିଷର ମାନବିକତା
ବୋଲାଉଛି |୯|
ମନେ ଆସିବା ଦରକାର, ଏହା ଥିଲେ
ମଣିଷ ହୃଦୟରେ
ଦୟା, ତ୍ୟାଗ, ପରୋପକାର ମହତ୍
ଗୁଣାବଳୀ ସବୁରେ |୧୦|
ମାନବିକତା ଗୁଣକୁ ଯଦି ଧରି ରଖିବାକୁ
ଚେଷ୍ଟା କରିବା
ନିଜକୁ ଶ୍ରେଷ୍ଠ ପ୍ରାଣୀ ରୂପେ ପ୍ରତିପାଦିତ
କରି ତ ପାରିବା |୧୧|
ସରବେ ପାଳନ କରୁଛେ ବିଶ୍ବ ମାନବିକତା
ଦିବସ ବିଶ୍ୱରେ
ମାନବଧର୍ମୀ ସେବା କାର୍ଯ୍ୟରେ ଦିନକୁ ସ୍ମରଣ
କରି ପାରିବାରେ |୧୨|
ଆମେ ସରବେ ସଚେତନ ହୋଇ
ମାନବିକତାକୁ ବଜାୟ ରଖିବା
କାର୍ଯ୍ୟକାରୀ କଲେ ଏହି ଦିନକୁ ଆମେ
ପାଳନ କଲେ ବୋଲି ଭାବିବା |୧୩|