Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Sukadev Mahanta

Abstract

3  

Sukadev Mahanta

Abstract

ଭିଟା ମାଟି

ଭିଟା ମାଟି

1 min
247


ପେଟ ଚାଖଣ୍ଡକ    ପୂରେ ନାହିଁ ମୋର

   ଅନ୍ନ ଚିନ୍ତା  ଚମତ୍କାର

ଓଳିଏ ଖାଇଲେ    ଓଳିଏ ଉପାସ

     ଏହି ଚିତ୍ର ଜୀବନର ।


ସମ୍ବଳ ବୋଲିଣ    ଚଉଦ ପୁରୁଷ

     ଚାଳଘର ଭିଟାମାଟି

ପେଟକୁ ମୁଠାଏ    ଦାନା ଯୋଗାଏ ମୁଁ

     ଦିନସାରା ଖଟି ଖଟି ।


ଦେହକୁ ଖଣ୍ଡିଏ    କନା ମିଳେ ନାହିଁ

     ମନ ମୁତାବକ ମୋତେ

ଭିଟାମାଟି ମୋର   ବାନ୍ଧି ରଖନ୍ତା ବା

    କେତେ ଦିନ ଆଉ ମୋତେ ।


ଅଭାବ ମୋହର     ହୋଇବ ପୂରଣ

   ଦେଶାନ୍ତରେ ଚାଲିଗଲେ

ମନେ ରଖି ମୁହିଁ    ଆଶା ଅସୁମାରୀ

   ଦେଶାନ୍ତରୀ   ହେଲି ଭଲେ  ।


କୁଆଡୁ ଆସିଲା    ମହାମାରୀ ମାଡି

      ଥର ହର ହେଲା ବିଶ୍ବ

ତ୍ରାହି ପାଇଲା ନି    କଳା ଗୋରା କେହି

     ଧନୀକ ହୋଇଲା ନିସ୍ବ ।


କଳ କାରଖାନା     ନିରିମାଣ କାର୍ଯ୍ଯ

   ସବୁ ବନ୍ଦ ହୋଇଗଲା

ଯେଉଁଠାରେ ମୁହିଁ    କାମ କରୁଥିଲି

   ସେଠାରେ ଝୁଲିଲା ତାଲା ।


ଭଲାରେ କରୋନା    ଭଲା ତୋ କଷଣ

    ଦାନା ପାଣି  ଛଡାଇଲୁ

ଭୋକ ଉପାସରେ    ସଢାଇ ମାରିଲୁ

    ଏତେ ହନ୍ତତସନ୍ତ କଲୁ ।


ଭିଟାମାଟି ମୋର    ଡାକ ଦେଇ କହେ

     ଆ ମୋ କୋଳକୁ ଆ

ଏଇଠି ଜନମ   ଏଇଠି ମରଣ

   ଭିଟାମାଟି ତୋର ସାହା ।


Rate this content
Log in