ଭାରତ୍ ମାଟିର୍ ଛୁଆ ମୁଇଁ

ଭାରତ୍ ମାଟିର୍ ଛୁଆ ମୁଇଁ

ମନଟା ମୋର୍ ପର୍ଚ୍ଛା

ଜୀବନ୍ ଦେଇ ତ୍ରିରଙ୍ଗା କେ ମୋର୍

କର୍ମି ପୁରଥି ନ ଉଁଚା ।

ଦେଡ୍ ସ କୁଟି ଭାଇବୁହେନ୍ ଆମେ

କେନସି ନ ନାଇଁ ହାରୁଁ

ଭଲ୍ କାମ୍ ଆରୁ ନିଏ ଥିଁ ରହେମା

କାହାକେ ଭିଲ୍ ନାଇଁ ଡରୁଁ ।

ଚାହେଁଲେ ଚକେଲ୍ ଗଢଲେ ମଡ଼ା

ଜୀବନ୍ ଥିବାର୍ ଯାଏ

ଭାରତ୍ ମାଆର୍ ସେବା କର୍ମା

ଗାଉଥିମା ତାର୍ ଜଏ ।

ଦୁନିଆଁ ଦେଖବା ଆମର୍ ବଲ୍

ଚାସି ଭାଇର୍ ରକତ୍

ଆମର୍ ବିର୍ ଯବାନ୍ ମାନକର୍

କେତେ ଅଛେ ଯେ ତାକତ୍ ।

ଆଝିର୍ ଆମେ କିରିଆ ପାର୍ମା

ଗଣତନ୍ତ୍ରକେ କର୍ମା ଟାନ୍

ଯାହା ହେଲେଁ ଭିଲ ଭାରତ୍ ମାଟିର୍

ରଖମା ଟେକ୍ ଆର୍ ମାନ୍ ।